காலையிலேயே குஷியான செய்தி… “மீண்டும் நகைக்கடன் தள்ளுபடி”… ஸ்டாலின் கையில் இருக்கும் அந்த ரகசிய தேர்தல் அறிக்கை…!

தமிழக சட்டமன்றத் தேர்தல் களம் சூடுபிடித்துள்ள நிலையில், திமுகவின் தேர்தல் அறிக்கை இன்று மாலை வெளியிடப்படும் என அக்கட்சியின் தலைவரும், முதலமைச்சருமான மு.க.ஸ்டாலின் அறிவித்துள்ளார். 2021-ஆம் ஆண்டு தேர்தலைப் போலவே, இம்முறையும் வாக்காளர்களைக் கவரும் வகையில் பல்வேறு கவர்ச்சிகரமான வாக்குறுதிகள் இதில் இடம்பெற வாய்ப்புள்ளதாக அரசியல் வட்டாரங்கள் தெரிவிக்கின்றன.

குறிப்பாக, கூட்டுறவு வங்கிகளில் நிலுவையில் உள்ள நகைக்கடன் மற்றும் விவசாயக் கடன்கள் தள்ளுபடி, தற்போது வழங்கப்பட்டு வரும் மகளிர் உரிமைத்தொகையை உயர்த்துதல், பொதுமக்களின் நீண்ட நாள் கோரிக்கையான மாதம் ஒருமுறை மின் கட்டணம் செலுத்தும் முறை, மற்றும் மாணவர்களின் கல்வி மேம்பாட்டிற்கான சிறப்புத் திட்டங்கள் போன்றவை இந்த அறிக்கையின் முக்கிய அம்சங்களாக இருக்கும் என எதிர்பார்க்கப்படுகிறது. மேலும், நீண்ட காலமாகப் பணி நிரந்தரம் கோரி வரும் பகுதிநேர ஆசிரியர்களின் கோரிக்கையை ஏற்று, அவர்களைப் பணி நிரந்தரம் செய்வது குறித்த அதிரடி அறிவிப்பும் இதில் வெளியாகலாம் எனக் கருதப்படுவதால், இந்தத் தேர்தல் அறிக்கை பெரும் எதிர்பார்ப்பை ஏற்படுத்தியுள்ளது.