தக் லைஃப் படத்தில் மீண்டும் இணைந்த முக்கிய நடிகர்கள்? சுஹாசினி மணிரத்னத்தின் அசத்தல் காரியத்தை பாருங்க!

மணிரத்னம் இயக்கத்தில் கமல்ஹாசன் நடிப்பில் உருவாகி வரும் திரைப்படம் “தக் லைஃப்”. இத்திரைப்படத்தில் திரிஷா, துல்கர் சல்மான், ஜெயம் ரவி, கௌதம் கார்த்திக் உட்பட பலரும் நடிப்பதாக அறிவிப்பு வெளிவந்தது. மேலும் சிம்புவும் இத்திரைப்படத்தில் நடிப்பதாக தகவல் வெளியானது.

இந்த நிலையில் ஜெயம் ரவி இத்திரைப்படத்தில் இருந்து வெளியேறியதாக சமீபத்தில் ஒரு தகவல் வந்தது. அதாவது சிலம்பரசன் இந்த புராஜெக்ட்டிற்குள் நுழைந்தவுடன் ஜெயம் ரவி விலகியதாக கூறப்பட்டது.

ஜெயம் ரவியை தொடர்ந்து துல்கர் சல்மானும் இத்திரைப்படத்தில் இருந்து விலகியதாக கூறப்பட்டது. அதாவது துல்கர் சல்மான் ஒரு நாள் மணிரத்னத்தை சந்திக்க வந்தபோது, அவரது மேனேஜரை வைத்து பேசவைத்தாராம். இது துல்கர் சல்மானுக்கு அவமானமாக இருந்ததாம். ஆதலால் துல்கர் இந்த புராஜெக்ட்டில் இருந்து விலகுவதாக கூறப்பட்டது.

இந்த நிலையில் ஜெயம் ரவி, துல்கர் சல்மான் ஆகிய இருவரும் மீண்டும் “தக் லைஃப்” திரைப்படத்தில் நடிக்க உள்ளதாக கூறப்படுகிறது. அதாவது மணிரத்னத்தின் மனைவியான சுஹாசினி மணிரத்னம், ஜெயம் ரவி, துல்கர் ஆகிய இருவரையும் சந்தித்து “எந்த பிரச்சனையாக இருந்தாலும் தீர்த்துக்கொள்ளலாம். மீண்டும் இந்த புராஜெக்ட்டிற்குள் வாருங்கள்” என சமாதானப் பேச்சுவார்த்தை நடத்தினாராம். ஆதலால் ஜெயம் ரவியும் துல்கர் சல்மானும் இத்திரைப்படத்தில் மீண்டும் இணைய அதிக வாய்ப்புகள் உள்ளதாக கூறப்படுகிறது.