கலவரம் செய்த படகுழுவினர்… மன்னிப்பு கேக்க மறுத்த ஜெயலலிதா…

ஜெயலலிதா தமிழ் சினிமாவில் முன்னணி நடிகையாகவும் தமிழ்நாட்டின் முதலமைச்சராகவும் மைசூர் சமஸ்தானம் மாண்டியா மாவட்டத்தில் தாண்டவபுர தாலுகாவில் மேல்கோட்டை என்ற ஊரில் பிறந்தவர் ஜெயலலிதா. இவரது இயற்பெயர் கோமளவள்ளி என்பதாகும். சிறுவயதிலேயே இவர் தந்தை காலமானதால் இவரது தாய் வேதவல்லி தனது பெயரை சந்தியா என மாற்றிக்கொண்டு சென்னைக்கு குடி பெயர்ந்து ஒரு சில திரைப்படங்களில் நடித்தார்.

அதனால் பள்ளி படிப்பை முடித்த உடனே ஜெயலலிதாவுக்கும் சினிமாவில் நடிக்கும் வாய்ப்பு கிடைத்தது. அதனால் கல்லூரியில் படிப்பை தொடராமல் சினிமாவில் நடிக்க ஆரம்பித்தார் ஜெயலலிதா. வெண்ணிற ஆடை என்ற படத்தின் மூலம் தமிழ் சினிமாவில் அறிமுகமான ஜெயலலிதா கிட்டத்தட்ட 130 திரைப்படங்களில் நடித்திருக்கிறார். அவற்றுள் அதிகமாக எம் ஜி ஆர் உடன் இணைந்து 28 படங்களில் இணைந்து நடித்திருக்கிறார் ஜெயலலிதா.

மேலும் சிவாஜி கணேசன், எஸ் எஸ் ராஜேந்திரன், ஜெய்சங்கர், முத்துராமன், ரவிச்சந்திரன், சிவகுமார் போன்ற பல முன்னணி நடிகர்களுடன் இணைந்து நடித்திருக்கிறார் ஜெயலலிதா. இவரது நடிப்பை மக்கள் பெரிதும் ரசித்து பாராட்டி இவருக்கு கலைச்செல்வி என்ற பட்டத்தை அளித்தனர்.

எம்ஜிஆர் கட்சி தொடங்கிய சில நாட்களிலேயே ஜெயலலிதாவும் கட்சியில் இணைந்து கட்சியின் கொள்கை பரப்பு செயலாளராக பணியாற்றி பின்னர் எம்ஜிஆர் காலமான பிறகு கட்சியை எடுத்து நடத்தி தமிழ்நாட்டின் முதலமைச்சராக ஆறு முறை பதவி வகித்து சிறப்பாக ஆட்சி நடத்தியவர் ஜெயலலிதா. பெண்களுக்கு என்று பல திட்டங்களை உருவாக்கியவர் ஜெயலலிதா. அதனால் இவரை அம்மா என்றும் புரட்சித்தலைவி என்றும் மக்கள் அழைத்தனர்.

எம்ஜிஆரை போலவே துணிச்சலும் வைராக்கியமும் கொண்டவர் ஜெயலலிதா. அதற்கு சான்றாக ஒரு சம்பவம் நடந்திருக்கிறது. அது என்னவென்றால் ஒரு முறை பத்திரிகையாளர்களிடம் பேட்டி கொடுத்த ஜெயலலிதா நான் தமிழ்நாட்டை பூர்வீகமாகக் கொண்டவள் அதனால் நான் தமிழச்சி தான் என்று கூறியிருந்தார். இதனால் அவர் பெங்களூருக்கு செல்லும்போது கன்னடத்தினர் இவருக்கு எதிர்ப்பு தெரிவித்தனர். படம் நடிப்பதற்காக சென்ற போது கன்னட பட குழுவினர் இவரை எதிர்த்தனர். நீங்கள் மைசூரில் பிறந்திருக்கும் போது எப்படி தமிழச்சி என்று சொல்கிறீர்கள் சண்டையிட்டனர். ஆனாலும் ஜெயலலிதா என்னுடைய மூதாதையர்கள் தமிழ்நாட்டைச் சேர்ந்தவர்கள் அதனால் நான் தமிழச்சி தான் என்று சொல்லுவேன் என்று கூறிவிட்டு வந்து விட்டாராம். அவர்கள் மன்னிப்பு கேட்க சொல்லியும் அதையும் மீறி துணிச்சலாக என்னால் மன்னிப்பு கேட்க முடியாது என்று கூறி வந்திருக்கிறார் ஜெயலலிதா.