தமிழக அரசியலில் திடீர் திருப்பம்… சீமான் எடுத்து அந்த ஒரு முடிவு… இரவோடு இரவாக கதி கலங்கிய அரசியல் களம்…!

தமிழ்நாட்டில் திருச்சி கிழக்கு, அம்பாசமுத்திரம் உள்ளிட்ட ஆறு சட்டமன்றத் தொகுதிகள் காலியாக உள்ள நிலையில், விரைவில் இதற்கான இடைத்தேர்தல் அறிவிக்கப்படலாம் என்ற எதிர்பார்ப்பு அரசியல் வட்டாரத்தில் பரவலாக எழுந்துள்ளது. இந்தச் சூழலில், அம்பாசமுத்திரம் தொகுதி இடைத்தேர்தலில் நாம் தமிழர் கட்சியின் (நாதக) தலைமை ஒருங்கிணைப்பாளர் சீமான், எதிர்க்கட்சிகளின் “பொது வேட்பாளராக” களம் இறங்க வாய்ப்புள்ளதாக சமூக வலைதளங்களிலும் அரசியல் தளங்களிலும் தகவல்கள் கசிந்து பரபரப்பை ஏற்படுத்தின. எதிர்க்கட்சிகள் அனைத்தும் இணைந்து சீமானை ஆதரித்து, தங்களுக்குள் போட்டி இல்லாமல் அவரை நிறுத்த திட்டமிட்டுள்ளதாகக் கூறப்பட்ட செய்தி, பெரும் விவாதப் பொருளாக மாறியது.

இருப்பினும், இந்தத் தகவலுக்கு நாம் தமிழர் கட்சியின் அதிகாரப்பூர்வத் தரப்பில் இருந்து உடனடியாக மிகத் தீர்க்கமான மறுப்பு தெரிவிக்கப்பட்டுள்ளது. கட்சி தொடங்கப்பட்ட காலம் முதற்கொண்டு, எந்தவொரு தேர்தலிலும் பிற கட்சிகளுடன் கூட்டணி வைக்காமல், தனித்துவமாகவே தேர்தல்களை நாம் தமிழர் கட்சி எதிர்கொண்டு வருகிறது. நாடாளுமன்றத் தேர்தலாக இருந்தாலும் சரி, சட்டமன்றத் தேர்தலாக இருந்தாலும் சரி, தனித்து களம் காண்பதே கட்சியின் அடிப்படைக் கொள்கையாக இருந்து வரும் வேளையில், இந்த இடைத்தேர்தலிலும் அதே பாணியில்தான் தனித்து போட்டியிடப் போவதாக நாதக தரப்பில் இருந்து திட்டவட்டமாக விளக்கமளிக்கப்பட்டுள்ளது.

சமீபத்தில் நடந்து முடிந்த 2026ஆம் ஆண்டு தமிழ்நாடு சட்டமன்றத் தேர்தலில், அரசியல் களம் பல அதிரடி திருப்பங்களைக் கண்டது. திமுக தலைவர் மு.க.ஸ்டாலின் கொளத்தூர் தொகுதியில் வெற்றி வாய்ப்பை இழந்த நிலையில், தமிழக வெற்றிக் கழகத்தின் (தவெக) தலைவர் ச. ஜோசப் விஜய் திருச்சி கிழக்கு மற்றும் பெரம்பூர் ஆகிய இரண்டு தொகுதிகளிலும் அமோக வெற்றி பெற்று, முதலமைச்சராகப் பொறுப்பேற்றுக் கொண்டார். அவர் தனது பெரம்பூர் தொகுதி பதவியைத் தக்கவைத்துக்கொண்டு திருச்சி கிழக்கு தொகுதியை ராஜினாமா செய்தார். அதேபோல், அதிமுகவைச் சேர்ந்த இசக்கி சுப்பையா அம்பாசமுத்திரம் தொகுதி எம்.எல்.ஏ பதவியை ராஜினாமா செய்துவிட்டு தவெகவில் இணைந்தார். இவர்களுடன் சேர்த்து அதிமுகவின் மதுராந்தகம், தாராபுரம், பெருந்துறை மற்றும் விராலிமலை ஆகிய தொகுதிகளின் எம்.எல்.ஏ.க்களும் ராஜினாமா செய்ததால் மொத்தம் ஆறு தொகுதிகள் காலியாகின.

மறுபுறம், காரைக்குடி தொகுதியில் போட்டியிட்டு தவெக வேட்பாளரிடம் வெற்றி வாய்ப்பை இழந்த சீமான், இந்த இடைத்தேர்தல் மூலம் சட்டமன்றத்திற்குள் நுழையப் போகிறார் என்ற வதந்திக்கு தற்போது முற்றுப்புள்ளி வைக்கப்பட்டுள்ளது. அதே நேரத்தில், திருச்சி கிழக்கு தொகுதியில் முன்னாள் முதலமைச்சர் மு.க.ஸ்டாலின் போட்டியிட வேண்டும் என்று திமுகவினர் தீர்மானம் நிறைவேற்றி வரும் நிலையில், அவர் “இன்னும் முடிவெடுக்கவில்லை, எடுத்ததும் சொல்கிறேன்” என்று செய்தியாளர்களிடம் தெரிவித்துள்ளார். ஆக, தமிழ்நாட்டின் இந்த ஆறு தொகுதிகளுக்கான இடைத்தேர்தல் களம், தவெக, திமுக, அதிமுக மற்றும் தனித்து களம் காணும் நாம் தமிழர் கட்சி என பன்முனைப் போட்டியுடன் தற்போதே சூடுபிடிக்கத் தொடங்கியுள்ளது.