நடிகர் பிரபுவின் மகளுக்கு திருமணம்.. பிரபல இயக்குனரை காதலித்து கரம்பிடிக்கிறார்..

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் பிரபு. இவர் நடிகர் திலகம் சிவாஜி கணேசன் – கமலா தம்பதியின் மகன் என்பது நாம் அனைவரும் அறிந்த ஒன்றே. ‘சங்கிலி’ என்ற படத்தின் மூலம் தமிழ் திரையுலகில் அறிமுகமானார். இதைத்தொடர்ந்து இவர் நடித்த பல படங்கள் சூப்பர் ஹிட்டானது. இவர் தமிழ் மொழியில் மட்டுமல்லாமல் தெலுங்கு, மலையாளம், கன்னடம் போன்ற பல மொழி படங்களில் நடித்துள்ளார்.

சமீபத்தில் இவர் ‘பொன்னியின் செல்வன்’ திரைப்படத்தில் முக்கியமான கதாபாத்திரத்தில் நடித்துள்ளார். நடிகர் பிரபுவிற்கு  3 பிள்ளைகள் உள்ளனர். நடிகர் விக்ரம் பிரபு 2012 இல் வெளியான ‘கும்கி’ திரைப்படம் வழியாக திரையுலகில் அறிமுகமானார். தற்பொழுது இவர் பல திரைப்படங்களில் கமிட்டாகி முன்னணி நடிகர்களில் ஒருவராக வலம் வந்து கொண்டுள்ளார்.

2009 இல் பிரபுவின் மகள் ஐஸ்வர்யாவுக்கு குணால் என்பவரிடம் திருமணம் நடைபெற்றது. குணால் வெளிநாட்டில் சாப்ட்வேர் இன்ஜினியராக பணிபுரிந்து வருகிறார்.  நடிகர் பிரபுவுக்கு மற்றொரு மகளும் உள்ளார். இவர் ஒரு காஸ்டியூம் டிசைனர். இவருக்கும் இயக்குனர் ஆதிக் ரவிச்சந்திரனுக்கு தான் திருமணம் நடைபெற உள்ளதாம். இருவரும் ஒரே ஃபீல்டில் இருப்பதால் இருவீட்டாரும் இவர்களது திருமணத்திற்கு சம்மதம் தெரிவித்திருக்கின்றனர்.

டிசம்பர் 25 ஆம் தேதி இவர்களது திருமணம் நடைபெற இருப்பதாக கூறப்படுகிறது. இயக்குனர் ஆதிக் ரவிச்சந்திரன் ‘மார்க் ஆண்டனி’ திரைப்படம் மூலம் தமிழ் சினிமாவையே திரும்பி பார்க்க வைத்துள்ளார். இந்நிலையில் ரசிகர்களும் , பிரபலங்களும் தங்களது  வாழ்த்துக்களை கூறி வருகின்றனர்.