“பேசுங்க அண்ணா..” என கத்திய இளைஞர்…! கழுத்தை பிடித்து தள்ளிய நிர்வாகிகள்…. சீமான் கூட்டத்தில் நடந்த களேபரம்…!!

தூத்துக்குடி மாவட்டம் செய்துங்கநல்லூரில் நாம் தமிழர் கட்சி சார்பில் நடைபெற்ற வேலுநாச்சியார் நினைவு நாள் கூட்டத்தில், அக்கட்சியின் ஒருங்கிணைப்பாளர் சீமான் உரையாற்றினார். அப்போது அந்த வழியாக இருசக்கர வாகனத்தில் வந்த இளைஞர் ஒருவர், சீமானின் பேச்சை ரசித்துக் கேட்டதுடன் “அண்ணா பேசுங்கள்” என்று உற்சாகமாகக் குரல் எழுப்பினார்.

அவர் சாலையிலேயே நின்று கத்தியதால் போக்குவரத்து நெரிசல் ஏற்பட்டது. அவரை அப்புறப்படுத்த முயன்றபோது ஏற்பட்ட வாக்குவாதத்தில், நாம் தமிழர் கட்சி நிர்வாகிகள் அந்த இளைஞரின் கழுத்தைப் பிடித்துத் தள்ளியதால் அப்பகுதியில் பெரும் பரபரப்பு நிலவியது. பின்னர் போலீசார் தலையிட்டு அவரை அங்கிருந்து அனுப்பி வைத்தனர்.

இந்த நிகழ்ச்சியில் சில சுவாரஸ்யமான சம்பவங்களும் அரங்கேறின. மனநலம் பாதிக்கப்பட்ட ஒருவர் கையில் விசிலுடன் போக்குவரத்தைச் சீர் செய்தது அங்கிருந்தவர்களின் கவனத்தை ஈர்த்தது.