” அடப்பாவிங்களா…! தினமும் சாம்பாரா…? சாம்பார் சமையலால் நள்ளிரவில்… வெடித்த கணவன் மனைவி சண்டை… பதறிப்போன போலீசார்…! உ.பி. -யில் பரபரப்பு…!!”

உத்தரப் பிரதேச மாநிலம் படவுன் மாவட்டத்தில் உள்ள வஜீர்கஞ்ச் பகுதியைச் சேர்ந்த தொழிலாளி ஒருவருக்குப் பொறித்த உணவுகள் என்றால் மிகவும் பிடிக்கும். ஆனால், அவருடைய மனைவி அடிக்கடி சாம்பார் போன்ற சாதாரண உணவுகளையே சமைத்து வந்துள்ளார். இதனால் உணவுப் பழக்கம் தொடர்பாக இருவருக்கும் இடையே தொடர்ச்சியாகக் கருத்து வேறுபாடுகளும், சிறிய அளவிலான தகராறுகளும் ஏற்பட்டு வந்துள்ளன.

இந்த நிலையில், நேற்று முன்தினம் இரவும் மனைவி சாம்பார் சமைத்ததால் தம்பதியரிடையே மீண்டும் பிரச்சனை வெடித்தது. தான் ஆசையாகக் கேட்கும் உணவைச் சமைக்காமல் தொடர்ந்து சாம்பாரே வைப்பதாகக் கூறி கணவர் கோபமடைய, இருவருக்கும் இடையே வாக்குவாதம் முற்றியது. இந்தச் சிறிய பிரச்சனை நள்ளிரவு வரை நீடித்து, இருவருக்குள்ளும் கடுமையான சண்டையாக மாறியது.

சம்பவம் குறித்துத் தகவலறிந்து தலையிட்ட போலீசார், தம்பதியரிடையே பேச்சுவார்த்தை நடத்தி நிலைமையை அமைதிப்படுத்தினர். உணவைப் போன்ற மிகச் சிறிய விஷயங்களை பெரிதுபடுத்தி குடும்ப அமைதியைக் கெடுத்துக் கொள்ளக் கூடாது என்றும், இவ்வாறான அற்பக் காரணங்களுக்காகப் பெரிய சண்டைகளில் ஈடுபடக் கூடாது என்றும் தம்பதியருக்குக் காவல்துறையினர் அறிவுரை கூறி அனுப்பி வைத்தனர்.