“என்னை உனக்கு பிடிக்கலையா…?” 60 வயது மனைவி முகத்தில் ஆசிட் வீசி…! தூங்கிய போதே அலறி துடித்த கொடூரம்…. நடுங்க வைக்கும் பயங்கர சம்பவம்…!!

சேலம் மாவட்டம் ஆத்தூர் அருகே உள்ள ஆனைக்கல் மேடு பகுதியைச் சேர்ந்தவர் ஆறுமுகம். சேகோ ஆலையில் பணிபுரிந்து வரும் இவருக்கும், 60 வயதுடைய முத்தம்மாள் என்பவருக்கும் திருமணமாகி இரண்டு மகள்கள் உள்ளனர். முத்தம்மாளின் நடத்தையின் மீது ஆரம்பம் முதலே சந்தேகமடைந்த கணவன் ஆறுமுகம், கடந்த ஒரு வருடமாக அவரை தினந்தோறும் அடித்து, உதைத்துக் கொடூரமாகச் சித்திரவதை செய்து வந்துள்ளான்.

கணவனின் கொடுமை தாங்காமல் முத்தம்மாள் தாய் வீட்டிற்குச் சென்று வசித்து வந்த நிலையில், கடந்த 10 நாட்களுக்கு முன்பு உறவினர்கள் மூலம் பஞ்சாயத்து பேசி, “இனிமேல் சந்தேகப்பட்டு அடிக்க மாட்டேன்” எனக்கூறி முத்தம்மாளை ஆறுமுகம் தனது வீட்டிற்கு அழைத்துவந்துள்ளான்.

இந்நிலையில், நேற்று இரவு வீட்டில் தூங்கிக்கொண்டிருந்த முத்தம்மாளை எழுப்பிய ஆறுமுகம், “என்னை உனக்கு பிடிக்கவில்லையா?” எனக்கூறி மீண்டும் தகாத வார்த்தைகளால் பேசித் தகராறு செய்துள்ளான். பின்னர் முத்தம்மாள் அமைதியாகப் படுத்து உறங்கிய நிலையில், ஆத்திரமடைந்த அரக்கன் ஆறுமுகம், தான் மறைத்து வைத்திருந்த கொடூர ஆசிட்டை மனைவியின் முகத்தில் ஊற்றியுள்ளான்.

முகமெல்லாம் வெந்துபோய் வலி தாங்க முடியாமல் முத்தம்மாள் அலறித் துடித்த சத்தம் கேட்டு ஓடிவந்த அக்கம் பக்கத்தினர், அவரை மீட்டு ஆம்புலன்ஸ் மூலம் மருத்துவமனைக்கு அனுப்பி வைத்தனர். இச்சம்பவம் குறித்து வழக்குப் பதிவு செய்த ஆத்தூர் நகர போலிஸார், மனைவியின் முகத்தில் ஆசிட் ஊற்றிய கொடூரக் கணவன் ஆறுமுகத்தைக் கைது செய்து தீவிர விசாரணை மேற்கொண்டு வருகின்றனர்.