ஜெயிலர் 2 படத்தில் அந்த பாலிவுட் ஸ்டார் ஹீரோ நடிப்பது உறுதி… இது கெஸ்ட் ரோல் அல்ல என்றும் தகவல்!

நெல்சன் இயக்கத்தில் நடிகர் ரஜினிகாந்த் நடித்து வரும் ஜெயிலர் 2 பாலிவுட் நட்சத்திர நாயகன் நடிகர் ஷாருக்கான் முக்கிய கேரக்டரில் நடிக்கிறார். ஆனால் அவர் சம்பந்தப்பட்ட காட்சிகள் இன்னும் படமாக்கப்படவில்லை. வருகிற மார்ச் மாதம் நடக்கும் படப்பிடிப்பில் தான் ஷாருக்கான் பங்கேற்கிறார். மொத்தம் 8 நாட்கள் அவர் கால்ஷீட் தந்திருக்கிறார். அவரும் ரஜினியும் இணைந்து நடிக்கும் பல காட்சிகள் எடுக்கப்பட உள்ளன.

ஜெயிலர் 2 படத்தில் பிரதான வில்லன் கேரக்டரில் நடித்திருப்பது நடிப்பு அரக்கன் நடிகர் எஸ்ஜே சூர்யா தான். அவரது அப்பாவாக மிதுன் சக்ரவர்த்தி நடித்திருக்கிறார். மேலும் ஜெயிலர் படத்தில் வில்லனாக வருமன் கேரக்டரில் நடித்த விநாயகன் அந்த படத்தில் கிளைமாக்ஸில் கொல்லப்படுகிறார். எனினும் ஜெயிலர் 2 படத்தில் சில பிளாஷ்பேக் காட்சிகளில் அவர் முந்தைய சில காட்சிகளில் வருவது போல நடித்திருப்பதாகவும் கூறப்படுகிறது.

ஜெயிலர் 2 படத்தில் இந்தி நடிகர் ஷாருக்கான் வரும் காட்சிகள் திரைக்கதையில் அழுத்தமான காட்சிகள் என்கின்றனர். 8 நாட்கள் வரை அவர் கால்ஷீட் தந்திருப்பதால் படத்தின் பல காட்சிகளில் அவர் வருவதற்கான வாய்ப்புகள் அதிகமாக உள்ளது. நடிகர் கமலுக்கு பிறகு ரஜினியுடன் ஷாருக்கான் இணையும் ஜெயிலர் 2 பெரிய எதிர்பார்ப்பை ரசிகர்களிடம் ஏற்படுத்தியுள்ளது.