“அவரு அப்படி செய்வாருன்னு நினைக்கல”… படுக்கையறை காட்சியில் எல்லை மீறிய ஹீரோ.. அலறியடித்து ஓடிய நடிகை… மூத்த நடிகர் உடைத்த ரகசியம்…!!!

திரைத்துறையின் மூத்த நடிகரான அன்னு கபூர், சமீபத்தில் ஆங்கில ஊடகம் ஒன்றிற்கு அளித்த பேட்டியில் சினிமா படப்பிடிப்புகளில் நடக்கும் அதிர்ச்சிகரமான சில உண்மைகளை உடைத்துள்ளார். குறிப்பாக, படுக்கையறை மற்றும் முத்தக் காட்சிகளில் நடிக்கும்போது சில நடிகர்கள் திட்டமிட்டே தங்கள் கட்டுப்பாட்டை இழந்து, நடிகைகளிடம் அநாகரீகமாக நடந்துகொள்வதாக அவர் குற்றம் சாட்டியுள்ளார். இயக்குநர் ‘கட்’ சொன்ன பிறகும் கூட, சில நடிகர்கள் தங்கள் அத்துமீறலைத் தொடர்வது திரையுலகின் இருண்ட மறுபக்கத்தைக் காட்டுவதாக அவர் வேதனையுடன் தெரிவித்துள்ளார்.

இதற்கு உதாரணமாக ஒரு சம்பவத்தைப் பகிர்ந்த அன்னு கபூர், ஒரு முன்னணி நடிகர் நெருக்கமான காட்சியில் அத்துமீறி நடந்துகொண்டதால், சம்பந்தப்பட்ட நடிகை மிகுந்த அச்சமடைந்து அங்கிருந்து தப்பியோடியதாகக் குறிப்பிட்டுள்ளார். அந்த நடிகை பயத்தின் காரணமாக இரண்டு நாட்களாகத் தனது அறையை விட்டு வெளியே வரவில்லை என்றும் அவர் கூறியுள்ளார். நடிகர்களின் இத்தகைய தரம் தாழ்ந்த செயல்கள் சக கலைஞர்களிடையே பாதுகாப்பற்ற சூழலை உருவாக்குவதோடு, சினிமா துறையின் கண்ணியத்தையும் கேள்விக்குறியாக்குவதாக அவர் விமர்சித்துள்ளார்.

மேலும், விஷால் பரத்வாஜ் இயக்கத்தில் வெளியான ‘7 Khoon Maaf’ திரைப்படத்தில் பிரியங்கா சோப்ராவுடன் நடித்த அனுபவத்தையும் அவர் நினைவுகூர்ந்துள்ளார். அந்தப் படத்தில் இடம்பெற்ற ஒரு முத்தக் காட்சியில் நடிக்க பிரியங்கா சோப்ரா மிகவும் தயங்கியதாகவும், அக்காட்சியை நீக்க இயக்குநரிடம் கோரிக்கை விடுத்ததாகவும் அன்னு கபூர் தெரிவித்துள்ளார். இதுபோன்ற சூழல்களில் தான் எப்போதும் தொழில்முறை கண்ணியத்தைக் கடைப்பிடிப்பதாகவும், நடிகைகள் சங்கடமாக உணர்ந்தால் அவர்களுக்குத் தேவையான இடைவெளியைக் கொடுத்து, அவர்களின் உணர்வுகளுக்கு மதிப்பளிப்பதே ஒரு சிறந்த நடிகருக்கு அழகு என்றும் அவர் அந்தப் பேட்டியில் சுட்டிக்காட்டியுள்ளார்.