இரவு உணவில் இந்த ஒரு தப்பை பண்ணாதீங்க.. சைலண்ட் ஹார்ட் அட்டாக் வரும்… 7 மணி நேர தூக்கம் போதும்… பிபி-யை ஈஸியா குறைக்கலாம்.. இதோ மருத்துவர் சொல்லும் சீக்ரெட் டிப்ஸ்..!!!

உயர் இரத்த அழுத்தம், எந்தவித வெளிப்படையான அறிகுறிகளும் இன்றி இதயம் மற்றும் மூளை பாதிப்புகளை ஏற்படுத்தும் என்பதால் இது ‘நிசப்தக் கொலையாளி’ என்று அழைக்கப்படுகிறது. இரத்த அழுத்தத்தை சீராக பராமரிக்க காலை நேரப் பழக்கங்களை விட இரவு நேரப் பழக்கங்களே முக்கியப் பங்கு வகிக்கின்றன. குறிப்பாக, தினமும் 7 முதல் 8 மணி நேரம் ஆழ்ந்த உறக்கம் அவசியம் ஏனெனில் தூக்கத்தின் போதுதான் இரத்த அழுத்தம் இயற்கையாகவே குறையும் .

மேலும், தூங்குவதற்கு ஒரு மணி நேரத்திற்கு முன்பே மொபைல் போன் பயன்படுத்துவதைத் தவிர்ப்பது மற்றும் மது அருந்தும் பழக்கத்தைக் கைவிடுவது இரத்த நாளங்களின் ஆரோக்கியத்தை மேம்படுத்தி தூக்கத்தின் தரத்தை உயர்த்தும். உணவு முறையில் மாற்றங்களைச் செய்வதும் இரத்த அழுத்தத்தைக் குறைக்க உதவும். இரவு உணவில் உப்பின் அளவைக் குறைப்பதன் மூலமும், சிப்ஸ் போன்ற பதப்படுத்தப்பட்ட உணவுகளைத் தவிர்ப்பதன் மூலமும் சோடியத்தினால் ஏற்படும் திடீர் இரத்த அழுத்த உயர்வைத் தடுக்கலாம்.

இந்நிலையில் மன அழுத்தத்தைக் குறைக்க எளிய மூச்சுப்பயிற்சி அல்லது தியானம் மேற்கொள்வது நரம்பு மண்டலத்தை அமைதிப்படுத்தும். இவற்றுடன் மருத்துவர் பரிந்துரைத்த இரத்த அழுத்த மாத்திரைகளைத் தவறாமல் சரியான நேரத்தில் உட்கொள்வது, நீண்ட கால அடிப்படையில் இதயத்தை ஆரோக்கியமாக வைத்திருக்கவும் பக்கவாதம் போன்ற அபாயங்களிலிருந்து பாதுகாக்கவும் உதவும்.