திண்டுக்கல் மாவட்டம் நத்தம் அருகே உள்ள சாணார்பட்டி பகுதியில், சினிமாவை மிஞ்சும் வகையில் நடந்த ஒரு கோர விபத்தின் சிசிடிவி காட்சிகள் தற்போது இணையத்தில் வைரலாகி வருகின்றன. கடந்த 16-ம் தேதியன்று மேட்டுக்கடையைச் சேர்ந்த ஜெயசூர்யா என்ற இளைஞர் அதிவேகமாக தனது இருசக்கர வாகனத்தில் சென்றுகொண்டிருந்தபோது, முன்னால் சென்ற மற்றொரு வாகனத்தின் மீது எதிர்பாராத விதமாக மோதினார். இந்த விபத்தின் தாக்கத்தில் இருசக்கர வாகனம் அந்தரத்தில் பறந்து சென்று அருகில் இருந்த வீட்டின் சுவரில் மோதியது.
மேலும் விபத்துக்குள்ளான இரு இளைஞர்களும் சாலையில் தூக்கி வீசப்பட்டு உருண்டு செல்லும் காட்சிகள் காண்போரை பதற வைக்கின்றன. இந்த பயங்கர விபத்தில் சிக்கிய ஜெயசூர்யா உள்ளிட்ட இருவருக்கும் படுகாயங்கள் ஏற்பட்ட நிலையில், அருகில் இருந்தவர்கள் அவர்களை மீட்டு ஆம்புலன்ஸ் மூலம் திண்டுக்கல் அரசு மருத்துவமனைக்கு அனுப்பி வைத்தனர்.
இந்நிலையில் அதிர்ஷ்டவசமாக, ஜெயசூர்யா ஹெல்மெட் அணிந்திருந்ததால் அவர் உயிர் தப்பியதாகக் கூறப்படுகிறது. இந்த சம்பவம் குறித்து சாணார்பட்டி போலீசார் வழக்குப் பதிவு செய்து தீவிர விசாரணை நடத்தி வருகின்றனர். தற்போது வெளியாகியுள்ள இந்த விபத்து வீடியோ, வாகன ஓட்டிகளிடையே பெரும் விழிப்புணர்வையும் அதே சமயம் அதிர்ச்சியையும் ஏற்படுத்தியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…