அதிமுகவின் தமிழ்மகன் உசேன் இறந்துவிட்டாரா?…. பரபரப்பு அறிக்கை…..!

அதிமுக அவைத்தலைவராக கடந்த 2022 ஆம் ஆண்டு தமிழ் மகன் உசேன் தேர்வு செய்யப்பட்டார். எம்ஜிஆர் அதிமுகவை தொடங்கியது முதல் அந்த கட்சியில் இருந்து வந்த அவர் கட்சியில் பல்வேறு பொறுப்புகளையும் வகித்துள்ளார். இந்நிலையில் கடந்த 2022 ஆம் ஆண்டு ஓபிஎஸ் மற்றும் எடப்பாடி பழனிச்சாமி இடையே மோதல் போக்கு ஏற்பட்ட சமயத்தில் கட்சியின் அவை தலைவராக தமிழ் மகன் உசேன் நியமிக்கப்பட்டார். இந்நிலையில் உடல்நல குறைவு காரணமாக அவர் மருத்துவமனையில் அனுமதிக்கப்பட்ட சிகிச்சை பெற்று வருகின்றார்.

கடந்த சில நாட்களாகவே அதிமுக தலைமை கழகத்தில் நடைபெற்ற நிகழ்ச்சியில் அவர் பங்கேற்காமல் இருந்த நிலையில் சென்னை கீழ்ப்பாக்கத்தில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டு சிகிச்சை பெற்று வருவதாக ஒரு செய்தி இணையத்தில் உலா வந்து கொண்டிருக்கிறது. இந்நிலையில் அவருடைய உடல்நிலை குறித்து பரவி வருவது தவறான தகவல் என அதிமுக தலைமை மறுப்பு தெரிவித்துள்ளது. அதிமுக அவைத்தலைவர் தமிழ்மகன் உசேன் உடல் நலக்குறைவால் மருத்துவமனையில் சிகிச்சை பெற்று வருகிறார்.

அவருடைய உடல்நிலை குறித்த தவறான செய்தியையும் வதந்தியையும் எதிர்க்கட்சியினர் சமூக வலைத்தளங்களில் தொடர்ந்து பரப்பி வருகிறார்கள். அதில் துளியும் உண்மை கிடையாது. இதனை வன்மையாக கண்டிக்கின்றோம். இத்தகைய தவறான தகவல்களை யாரும் நம்பவோ அல்லது பரப்பவோ வேண்டாம் என்று கேட்டுக்கொள்கிறோம் என அதிமுக தலைமை அறிக்கை வெளியிட்டுள்ளது. தமிழ் மகன் உசேன் உடல் நல குறைவால் இறந்து விட்டதாக தகவல் பரவிய நிலையில் தற்போது இந்த விளக்கம் அளிக்கப்பட்டுள்ளது.