மும்பை இந்தியன்ஸில் அதிரடி மாற்றம்..? ஹர்திக் பாண்டியா நீக்கம்.. மீண்டும் ரோகித் சர்மாவிடம் கேப்டன் பதவி..!!

நடப்பு ஐபிஎல் தொடரில் மும்பை இந்தியன்ஸ் அணியின் செயல்பாடு மிகுந்த ஏமாற்றத்தை அளித்துள்ள நிலையில், அந்த அணியின் பிளே-ஆஃப் வாய்ப்பு தற்போது நூலிழையில் ஊசலாடிக்கொண்டிருக்கிறது. விளையாடியுள்ள போட்டிகளில் பெரும்பாலானவற்றில் தோல்வியைத் தழுவியுள்ள மும்பை அணி, இனி வரும் 6 போட்டிகளிலும் கட்டாயம் வெற்றி பெற்றால் மட்டுமே அடுத்த சுற்றுக்கு முன்னேற முடியும் என்ற இக்கட்டான சூழலுக்குத் தள்ளப்பட்டுள்ளது. அணியின் இந்தத் தொடர் சரிவு ரசிகர்களிடையே கடும் கொந்தளிப்பை ஏற்படுத்தியுள்ளதுடன், புள்ளிப்பட்டியலில் கடைசி இடங்களுக்குத் தள்ளப்பட்டிருப்பது அணியின் பலம் குறித்த கேள்விகளையும் எழுப்பியுள்ளது.

இந்த மோசமான நிலைக்கு கேப்டன் மாற்றமே முக்கியக் காரணம் என ரசிகர்கள் சமூக வலைதளங்களில் போர்க்கொடி தூக்கியுள்ளனர். “ஹர்திக் பாண்டியாவை கேப்டன் பதவியில் இருந்து நீக்க வேண்டும் அல்லது அவரை அணியை விட்டே விடுவிக்க வேண்டும்” என்ற கோரிக்கை வலுத்து வருகிறது. மைதானத்திலும் இணையத்திலும் ஹர்திக் பாண்டியாவுக்கு எதிராகத் தொடர்ந்து அதிருப்தி வெளிப்படுத்தப்பட்டு வரும் நிலையில், அணியை மீண்டும் வெற்றிப் பாதைக்கு அழைத்துச் செல்ல அனுபவம் வாய்ந்த ரோகித் சர்மாவை மீண்டும் கேப்டனாக நியமிக்க நிர்வாகம் ஆலோசித்து வருவதாகத் தகவல்கள் கசிந்துள்ளன. இந்தத் தலைமை மாற்றமே ரசிகர்களின் கோபத்தைத் தணிப்பதற்கும், அணியின் பிம்பத்தை மீட்டெடுப்பதற்கும் ஒரே வழி எனப் பலரும் கருத்து தெரிவித்து வருகின்றனர்.