“அடுத்த பதவி த்ரிஷாவுக்குத்தான்”…. அதிமுக மேடையில் அதிர்ந்த கூச்சல்… சிரித்துக்கொண்டே இபிஎஸ் கொடுத்த நக்கல் பதில்…..!

அதிமுக சார்பில் மதுராந்தகத்தில் நடைபெற்ற பொதுக்கூட்டத்தில், நடிகை த்ரிஷாவின் பெயர் மீண்டும் குறிப்பிடப்பட்ட சம்பவம் அரசியல் வட்டாரத்திலும் சமூக வலைதளங்களிலும் பெரும் விவாதத்தை ஏற்படுத்தியுள்ளது. கூட்டத்தில் பேசிய அதிமுக பொதுச்செயலாளர் எடப்பாடி பழனிசாமி, திமுக அரசை கடுமையாக விமர்சித்தார். அப்போது, “முதலமைச்சர் விஜய் தனது திரைப்படத் தயாரிப்பாளருக்கு டெல்லியில் சிறப்பு பிரதிநிதி பதவியை வழங்கியுள்ளார்; இதன்படியே சென்றால், அடுத்து தனது மேக்கப் மேனுக்கும் கூட அவர் பதவி கொடுத்தாலும் ஆச்சரியப்படுவதற்கில்லை” என்று சாடினார்.

எடப்பாடி பழனிசாமியின் இந்த பேச்சைக் கேட்டதும், கூட்டத்தில் கூடியிருந்த தொண்டர்கள் சிலர் ‘அடுத்த பதவி த்ரிஷாவுக்குத்தான்’ என உரக்கக் குரல் எழுப்பினர். தொண்டர்களின் இந்தக் கூச்சலைக் கேட்டு மேடையில் புன்னகைத்த இ.பி.எஸ், “தவெக ஆட்சியின் நிலையை மக்கள் எந்த அளவுக்குத் தெளிவாகப் புரிந்து வைத்துள்ளார்கள் என்பதற்கு இதுவே சான்று” எனக் கூறி உரையைத் தொடர்ந்தார். ஏற்கனவே அரசியல் மற்றும் திரையுலக வட்டாரங்களில் பல்வேறு சர்ச்சைகள் நிலவி வரும் சூழலில், அதிமுக கூட்டத்தில் மீண்டும் நடிகை த்ரிஷாவின் பெயர் ஒலிக்கப்பட்டிருப்பது பரபரப்பை ஏற்படுத்தியுள்ளது.