“சண்டை போடாதீங்க…” போலீஸ் அதிகாரிகளை கத்தியால் குத்திய கும்பல்…. தகராறை தடுக்க முயன்ற போது வெறிச்செயல்…. பகீர் வீடியோ…!!

கேரள மாநிலம் கொச்சி வைப்பின் பகுதியில், தனியார் பேருந்து ஊழியர்களுக்கும் உள்ளூர் கும்பலுக்கும் இடையே ஏற்பட்ட மோதலைக் கட்டுப்படுத்த முயன்ற ஞாரக்கல் காவல் நிலைய சப்-இன்ஸ்பெக்டர் ஜித்தின் மற்றும் காவலர் ராஜேஷ் ஆகிய இருவர் கத்தியால் குத்தப்பட்டுப் படுகாயமடைந்த சம்பவம் பெரும் அதிர்ச்சியை ஏற்படுத்தியுள்ளது.

கொலை வழக்கு ஒன்றில் குற்றவாளியாக உள்ள முன்னா என்பவன் தலைமையிலான கும்பல், பேருந்து ஓட்டுநரைத் தாக்கியதுடன், அங்குப் பாதுகாப்புப் பணியாக வந்த காவல்துறையினர் மீதும் திடீரெனத் தாக்குதல் நடத்திவிட்டுக் கத்தியால் குத்தியுள்ளது. படுகாயமடைந்த இரண்டு அதிகாரிகளும் உடனடியாக அருகே உள்ள தனியார் மருத்துவமனையில் அனுமதிக்கப்பட்டுள்ள நிலையில், தப்பியோடிய முண்ணா மற்றும் அவனது கூட்டாளிகளை காவல்துறையினர் தீவிரமாகத் தேடி வருகின்றனர்.