“தாய்மாமா விஜய்” எத்தனை சகோதரிகள் வீட்டுல விஷேசம் நடந்துச்சு… 50 வருஷமா எங்கே போனீங்க..? விஜய்யை தாக்கிய அண்ணாமலை…!!

தமிழ்நாடில்  வரப் போகின்ற 2026 ஆம் ஆண்டு சட்டமன்றத் தேர்தல் நடக்க உள்ளதால், தேர்தலுக்காக  அனைத்து கட்சியினரும் தயாராகிக் கொண்டு வருகின்றனர். தற்போது தமிழக வெற்றி கழகத்தின் 2-வது மாநாடு 21.8.2025 அன்று மதுரையில் நடைபெற்றது. த.வெ.க தலைவர் விஜய் மேடையில் பேசிய போது அங்கிள் என்று முதலமைச்சர் மு.க.ஸ்டாலினை பற்றி பேசி இருந்தார் . பின்பு, தமிழ்நாட்டில் உள்ள அனைத்து சகோதரியின் குழந்தைகளுக்கும் நான் தாய்மாமன் என்று கூறினார். த.வெ.க 2-வது மாநாட்டில் தலைவர் விஜய் பேசியதை பற்றி பா.ஜ.க முன்னாள் தலைவர் அண்ணாமலை பல கேள்விகளை எழுப்பி உள்ளார்.

50 வருடமாக விஜய் எங்கே போனார், திடீரென்று வந்து தமிழ்நாட்டில் உள்ள அனைத்து சகோதரிகளுக்கும் தாய்மாமன் என்று கூறுகிறாரே, எத்தனை வீட்டுக்கு சீர் அனுப்பி வைத்தார். தாய்மாமன் நடித்த படத்துக்கு எல்லாம் இலவசமாகவா டிக்கெட் கொடுத்தா, காசு வாங்கிக் கொண்டுதானே டிக்கெட் கொடுத்தார். தாய்மாமன் என்பது தாய்க்கு நிகரானவன் என்று அர்த்தம். இது போன்ற வார்த்தையை யோசித்து பயன்படுத்த வேண்டும்.

ஸ்டாலின் முதலமைச்சரை அங்கிள் என்று விமர்சித்தது சரியா? எனக்கும் ஸ்டாலின் அவர்களுக்கும் நிறைய கருத்து வேறுபாடுகள் இருக்கின்றது. நீங்கள் அவரை மேடையில் அங்கிள் என்று குறிப்பிட்டது சினிமாவில் கேட்பதற்கு நன்றாக இருக்கலாம். ஆனால் இது போன்ற பொது மேடைகளில் உங்களை தாழ்த்திக் காண்பிக்கிறது. இதே போன்ற வார்த்தையை பயன்படுத்தி, விஜய்யை  பார்த்து பூமர் அங்கிள் என்று குறிப்பிட்டால் என்ன நடக்கும்? உங்களுக்கும் 50 வயது நினைவு இருக்கட்டும். பொது மேடையில் எப்படி பேச வேண்டும் என்று பக்குவம் இல்லாத இவருக்கு முதலமைச்சர் பதவி ஏற்றதாக இருக்குமா? போன்ற பல கேள்விகளை எழுப்பிவுள்ளார் முன்னாள் தலைவர் அண்ணாமலை.