பல வருடங்களுக்கு பிறகு… சன் டிவி சீரியலில் களமிறங்கும் பிரபல 90’ஸ் நடிகை… கொண்டாட்டத்தில் ரசிகர்கள்…

மலையாளத் திரையுலகில் பிரபல நடிகையாக வலம் வந்தவர் நடிகை சித்தாரா. இவர் தமிழில் புது புது அர்த்தங்கள் படத்தின் மூலம் அறிமுகமானவர். இந்த படத்தின் வெற்றியை தொடர்ந்து, உன்னை சொல்லி குற்றமில்லை, புது புது ராகங்கள்,புது வசந்தம், புரியாத புதிர் என அடுக்கடுக்காக பல படங்களில் கமிட் ஆகி நடித்தார்.

நடிப்பில் யதார்த்தத்தையும், பார்ப்பதற்கு அக்கம் பக்கத்துக்கு வீட்டு பெண் போல், இவர் ரசிகர்கள் கண்களுக்கு தெரிந்தது தான் இவரின் மிகபெரிய வெற்றி. தமிழ் மொழி மட்டும் இன்றி, கன்னடம், தெலுங்கு, மலையாளம், என பல்வேறு மொழிகளில் 200 கும் அதிகமான படங்களில் நடித்துள்ள சித்தாரா இதுவரை திருமணம் செய்து கொள்ளாமல் வாழ்ந்து வருகிறார்.

47 வயதாகும் இவர், முன்னணி நடிகையாக இருக்கும் போது ஒருவரை காதலித்ததாகவும், அந்த காதல் தோல்வியில் முடிந்ததால், திருமணத்தில் ஈடுபாடு இல்லாமல் இருந்தார். இதை தொடர்ந்து, இவரின் அப்பாவின் இழப்பு,  திருமணமே வேண்டாம் என்கிற முடிவை எடுக்க வைத்ததாகவும் கூறியிருந்தார்.

வெள்ளித்திரையில் கலக்கிய இவர் தற்பொழுது சின்னத்திரையிலும் கால்பதித்து கலக்கி வருகிறார். அந்த வகையில் ஏற்கனவே கங்கா யமுனா சரஸ்வதி,  பராசக்தி, ஆர்த்தி உள்ளிட்ட பல சீரியல்களில் நடித்துள்ளார். தற்பொழுது இவர் சன் தொலைக்காட்சியில் ஒளிபரப்பாக உள்ள ‘பூவா தலையா’ என்ற புதிய சீரியலில் கமிட்டாகியுள்ளார்.  நீண்ட வருடங்களுக்கு பிறகு இவரை திரையில் காண ரசிகர்கள் ஆர்வத்துடன் காத்திருக்கின்றனர்.