தமிழகத்தில் பரபரப்பு…! கழிவறைக்கு கூட விடாமல் அராஜகம்… தமிழக காவல்துறையின் அதிரடி நடவடிக்கையால் கொதித்துப்போன பணியாளர்கள்…!!

தமிழகம் முழுவதும் பணி நிரந்தரம், ஊதிய உயர்வு உள்ளிட்ட பல்வேறு நியாயமான கோரிக்கைகளை வலியுறுத்திச் சென்னை எழும்பூரில் இன்று பிரம்மாண்டப் போராட்டம் நடத்தத் திட்டமிட்டிருந்த மருத்துவப் பணியாளர்கள், காவல்துறையினரால் அதிரடியாக வீட்டுக்காவலிலும் முடக்கப்பட்டுள்ளனர். இந்தப் போராட்டத்தில் கலந்துகொள்வதற்காக நேற்றிரவே தமிழகத்தின் பல்வேறு மாவட்டங்களில் இருந்து சென்னைக்குப் புறப்பட முயன்ற ஊழியர்களைப் பேருந்து நிலையங்களிலேயே காவல்துறை தடுத்து நிறுத்தியுள்ளது.

சில இடங்களில் போராட்டத்தில் ஈடுபடவிருந்தவர்களைக் கழிவறைக்குச் செல்லக்கூட அனுமதிக்காமல் காவல்துறையினர் தடுத்துவிட்டதாகக் கூறப்படும் புகார்கள் பெரும் கொந்தளிப்பை ஏற்படுத்தியுள்ளன. கோரிக்கைகளைக் குரல் கொடுத்து எழுப்ப விடாமல் ஒடுக்கும் நோக்கத்துடன் அரசாங்கம் கையாண்டுள்ள இந்த அதிரடி நடவடிக்கைக்கு மருத்துவப் பணியாளர்கள் தரப்பில் கடும் கண்டனங்கள் எழுந்துள்ளன. தமிழகம் முழுவதும் பெரும் பரபரப்பை ஏற்படுத்தியுள்ள இந்த விவகாரம் அரசியல் களத்திலும் அனலைக் கிளப்பியுள்ளது.