ஐரோப்பிய ஒன்றியத்தை ஒழிக்க வேண்டும் – எலான் மஸ்க் வெளியிட்ட அதிரடி கருத்தால் பரபரப்பு!

27 நாடுகளைக் கொண்ட ஐரோப்பிய ஒன்றியத்தின் டிஜிட்டல் சேவைகள், சட்டத்தின் கடுமையான உள்ளடக்கம் மற்றும் வெளிப்படை தன்மை விதிகளை மீறியதாக எலான் மஸ்கின் எக்ஸ் சமூக வலைதளத்திற்கு 140 மில்லியன் டாலர் அபராதம் விதிக்கப்பட்டது. இந்த விதி மீறலால் ஐரோப்பிய எக்ஸ் பயனாளர்கள் பல்வேறு மோசடிகளுக்கு ஆளாக்க கூடும் என்றும் எக்ஸ் தங்களின் விளம்பர தரவு தளத்திற்கான விதிமுறைகளுக்கு இணங்க தவறிவிட்டது என்றும் ஐரோப்பிய ஒன்றியம் குற்றம் சாட்டியது.

இந்நிலையில் ஐரோப்பிய ஒன்றியம் ஒழிக்கப்பட வேண்டும். இறையாண்மை தனிப்பட்ட நாடுகளுக்கு திரும்ப வேண்டும். அப்போதுதான் அரசாங்கங்கள் தங்கள் மக்களின் நலன்களை உண்மையிலேயே பிரநிதித்துவம்படுத்த முடியும் என்று எலான் மஸ்க் அதிரடியாக தெரிவித்துள்ளார். முன்னதாக டிஜிட்டல் சந்தைகள் சட்டத்தை மீறியதற்காக ஆப்பிள் மற்றும் மெட்டா உள்ளிட்ட முக்கிய தொழில்நுட்ப நிறுவனங்களுக்கு ஐரோப்பிய ஒன்றியம் மொத்தம் 797 மில்லியன் டாலர் அபராதம் விதித்தது குறிப்பிடத்தக்கது.