சாய்பல்லவி, அதிதி ஷங்கர் லிஸ்டில் இணைந்த தஞ்சாவூர் டாக்டர்.. வாழ்த்து மழை பொழியும் ரசிகர்கள்..!

சினிமாவை பொறுத்தவரையில் பலவிதமான படிப்பை படித்துவிட்டு சினிமாவுக்குள் நுழைந்த நடிகைகள் ஏராளம். குறிப்பாக பெண் டாக்டர்கள் சினிமாவுக்குள் வருவது என்பது அதிகரித்துள்ளது. சாய்பல்லவி மற்றும் வித்யா பிரதீப் உள்ளிட்ட பல நடிகைகள் டாக்டர் படித்து முடித்துவிட்டு சினிமாவுக்குள் வந்துள்ளனர். அந்த வரிசையில் தஞ்சாவூரில் இருந்து ஒரு டாக்டர் நடிகையாகியுள்ளார். தஞ்சை மாவட்டம் பட்டுக்கோட்டையை சேர்ந்தவர்தான் தீபா பாலு. மருத்துவருக்கு படித்துள்ள இவருக்கு நடிப்பு மீது ஆர்வம் அதிகம்.

இதனால் மருத்துவ சேவையை செய்து கொண்டே youtube-ல் வெளியான சில குறும்படங்களில் நடித்து வந்தார். அதில் அவர் நடித்த தேன்மிட்டாய் என்ற தொடர் ரசிகர்கள் மத்தியில் பாராட்டை பெற்றது. தற்போது ஹாட்ஸ்டாரின் ஒளிபரப்பாகிக் கொண்டிருக்கும் ஹார்ட் பீட் தொடரில் மருத்துவராக நடித்துள்ளார். இதில் அவருடைய ரீனா கதாபாத்திரம் ரசிகர்கள் மத்தியில் பிரபலமாகியுள்ளது. இதனை தொடர்ந்து அவர் சினிமாவில் நடித்த தயாராகி வருகின்றார். இது தொடர்பாக அவர் கூறுகையில், தமிழ் சினிமா கதாநாயகிகளுக்கும் முக்கியத்துவம் கொடுக்கும் வகையில் வலுவான கதாபாத்திரங்களை கொடுத்து வருகின்றது.

அந்த வகையில் நடிகைகள் ரேவதி, நதியா, சாய்பல்லவி ஆகியோர் வழியில் நானும் தரமான கேரக்டர்களை தேர்வு செய்து நடிக்க உள்ளேன். நடிப்பு திறமையை நிரூபிக்கும் வகைதான கதாபாத்திரம் வரும்போது முழு அர்ப்பணிப்புடன் அந்த கதாபாத்திரத்திற்கு உயிர் கொடுக்க தயாராக உள்ளேன். எனக்கு நிறைய வாய்ப்புகள் வருகிறது. கதைகள் கேட்கிறேன். விரைவில் அடுத்த படம் குறித்து அறிவிப்பு வெளியாகும் என்று தீபா தெரிவித்துள்ளார்.