டெல்லியில் பிரதமர் இல்லம் முன்பாக நீட் விவகாரத்தில் மத்திய அமைச்சர் தர்மேந்திர பிரதான் பதவி விலகக் கோரி, காங்கிரஸ் தலைவர் ராகுல் காந்தி, பிரியங்கா காந்தி, மல்லிகார்ஜுனா கார்கே மற்றும் சமாஜ்வாதி தலைவர் அகிலேஷ் யாதவ் ஆகியோர் திடீர் போராட்டத்தில் ஈடுபட்டனர். உளவுத்துறைக்கே தெரியாமல் நடந்த இப்போராட்டத்தைக் கலைக்கப் பாதுகாப்புப் படையினர் முற்பட்டபோது ஏற்பட்ட தள்ளுமுள்ளுவில் ராகுல் காந்திக்கு மூக்கில் காயம் ஏற்பட்டு, அவர் குண்டுக்கட்டாகக் கைது செய்யப்பட்டார். இச்சம்பவம் நாடு முழுவதும் பெரும் அதிர்வலைகளை ஏற்படுத்தியதோடு, பல்வேறு எதிர்க்கட்சிகளின் கடுமையான கண்டனங்களுக்கும் வழிகோலியுள்ளது.
இருப்பினும், தமிழக அரசியலில் எப்போதும் தேசிய நிகழ்வுகளுக்கு உடனடியாகக் குரல் கொடுக்கும் திமுக தலைமை, இச்சம்பவத்தைக் பெரிதாகக் கண்டுகொள்ளாமல் மௌனம் காப்பது வியப்பை ஏற்படுத்தியுள்ளது. முதலமைச்சர் மு.க.ஸ்டாலினோ அல்லது உதயநிதி ஸ்டாலினோ ராகுல் காந்தி கைது மற்றும் காயம் குறித்து அதிகாரப்பூர்வமாக எந்தக் கடுமையான அறிக்கையையும் வெளியிடவில்லை. மாறாக, தமிழகத்தில் மாணவர்கள் நடத்தி வரும் நீட் எதிர்ப்புப் போராட்டங்கள் மற்றும் காவல்துறை தடியடி சம்பவங்களுக்கு மட்டுமே முன்னுரிமை அளித்து ஆதரவு தெரிவித்து வருகின்றனர்.
முன்னதாக திமுக-காங்கிரஸ் கூட்டணி வலுவாக இருந்த காலத்தில், ராகுல் காந்திக்கு சிறிய இடையூறு நேர்ந்தாலும் சமூக வலைதளங்களில் திமுகவின் தகவல் தொழில்நுட்ப அணியினரும் ஆதரவாளர்களும் பாஜக அரசுக்கு எதிராகப் புயலைக் கிளப்புவது வழக்கம். ஆனால், தற்போதைய சூழலில் காங்கிரஸ் கட்சி தமிழகத்தில் தவெக பக்கம் சாய முற்பட்டதைத் தொடர்ந்து, திமுகவினர் இச்சம்பவத்தைக் கண்டு கொள்ளாமல் தவிர்த்து வருகின்றனர். மேலும், சிலர் சமூக வலைதளங்களில் “புதுக் கூட்டாளியைத் தேடிப் போன உங்களுக்கு இதுவும் வேண்டும்” என்ற ரீதியில் கிண்டல் பதிவுகளையும் வெளியிட்டு வருகின்றனர்.
கூட்டணி முறிவுக்குப் பின் காங்கிரஸின் நிலைப்பாடும், திமுகவின் இந்த அமைதியும் தமிழக அரசியல் களத்தில் புதிய மாற்றங்களை உணர்த்துகின்றன. தேர்தல் முடிவுகளுக்குப் பிறகு காங்கிரஸ் காட்டிய விலகல் போக்கை ‘துரோகமாக’க் கருதும் திமுக, பாஜகவை நோக்கிய தனது விமர்சனக் கணைகளின் கூர்மையைக் குறைத்துக்கொண்டுள்ளதாகவும் கூறப்படுகிறது. காங்கிரஸ் மீண்டும் கூட்டணியில் இணைய விருப்பம் தெரிவித்து வரும் போதிலும், திமுக தலைமை அதற்கு சாதகமான பதிலைக் தராமல் தூரத்தே நிறுத்தி வைத்துள்ளதே இந்த அமைதிக்கு முக்கியக் காரணமாகப் பார்க்கப்படுகிறது.
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…