2026-ஆம் ஆண்டு தமிழக சட்டமன்றத் தேர்தலை எதிர்கொள்ள திமுக தலைமை தற்போதே தீவிரமான வியூகங்களை வகுத்து வரும் நிலையில், அக்கட்சிக்குள் தொகுதிப் பங்கீடு மற்றும் வேட்பாளர் தேர்வில் பெரும் சிக்கல் எழுந்துள்ளதாகத் தெரிகிறது. குறிப்பாக, அதிமுக மற்றும் பிற கட்சிகளில் இருந்து அண்மைக் காலங்களில் திமுகவில் இணைந்த முக்கியத் தலைவர்களின் வருகை, நீண்டகாலமாக கட்சிக்காக உழைத்து வரும் சீனியர் அமைச்சர்கள் மற்றும் சிட்டிங் எம்.எல்.ஏ-க்களிடையே பெரும் கலக்கத்தை ஏற்படுத்தியுள்ளது.
திமுக கூட்டணியில் கடந்த தேர்தலை விட இம்முறை கட்சிகளின் எண்ணிக்கை 19-ஆக அதிகரித்துள்ளதால், அக்கட்சி போட்டியிடும் தொகுதிகளின் எண்ணிக்கை குறையும் சூழல் உருவாகியுள்ளது. அதேநேரம், அதிமுகவில் இருந்து வந்த முன்னாள் அமைச்சர்களான எ.வ.வேலு, செந்தில் பாலாஜி, ராஜகண்ணப்பன் போன்றோர் ஏற்கனவே முக்கியப் பொறுப்புகளில் உள்ளனர். தற்போது இவர்களுடன் ஓ. பன்னீர்செல்வம், வைத்திலிங்கம், மனோஜ் பாண்டியன் போன்றோரும் இணைந்துள்ளதால், இவர்களுக்குத் தொகுதிகளை ஒதுக்கீடு செய்வதில் தலைமைக்கு கடும் சவால்கள் காத்திருக்கின்றன.
கட்சியின் உள்கட்டமைப்பில் ‘ஓவர் லோடு’ ஏற்பட்டுள்ளதாகக் கருதப்படும் நிலையில், பாரம்பரியமான திமுக தொண்டர்கள் மற்றும் நிர்வாகிகள் ஓரங்கட்டப்படுவதாக அதிருப்தி கிளம்பியுள்ளது. 170 தொகுதிகளில் திமுக போட்டியிட்டால், அதில் சுமார் 50 இடங்கள் வரை மாற்றுக்கட்சியில் இருந்து வந்தவர்களுக்கே வழங்கப்படலாம் என அரசியல் வட்டாரங்கள் கணிக்கின்றன. இது ஆண்டாண்டு காலமாக உதயசூரியன் சின்னத்திற்காகப் பணியாற்றிய உண்மையான உடன்பிறப்புகளை அதிருப்தியில் ஆழ்த்தியுள்ளது.
இந்த உட்கட்சிப் பூசல் மற்றும் இட நெருக்கடி வரும் தேர்தலில் திமுகவுக்குப் பலம் சேர்க்குமா அல்லது பின்னடைவை ஏற்படுத்துமா என்ற விவாதம் தற்போதே சூடுபிடித்துள்ளது. சீனியர் தலைவர்களின் அதிருப்தியைச் சமாளிப்பதோடு, கூட்டணிக் கட்சிகளையும் திருப்திப்படுத்தி, புதியதாக வந்தவர்களுக்குப் பிரதிநிதித்துவம் வழங்குவது என்பது முதலமைச்சர் மு.க. ஸ்டாலினுக்கு ஒரு மிகப்பெரிய அரசியல் அக்னிப்பரிட்சையாகவே அமையும் என்று எதிர்பார்க்கப்படுகிறது.
சென்னையில் மழைநீர் வடிகால் பணிக்காகத் தோண்டப்பட்டு எந்தவிதமான தடுப்புகளும் எச்சரிக்கைப் பலகைகளும் இன்றித் திறந்த கிடந்த பள்ளத்தில் இருசக்கர வாகனத்துடன்…
தவெக அரசைக் கவிழ்க்க எதிர்க்கட்சிகள் எத்தகைய சதித் திட்டங்களைத் தீட்டினாலும், நம்பிக்கையில்லா தீர்மானம் போன்ற எத்தகைய நடவடிக்கையையும் எதிர்கொள்ளக் கட்சி…
தெலங்கானா மாநிலத்தில் கள்ளக்காதல் விவகாரத்தைப் பார்த்துவிட்டதாகக் கூறி 10-ஆம் வகுப்பு மாணவனுக்குக் குளிர்பானத்தில் பூச்சி மருந்து கலந்து கொடுத்துக் கொடூரமாகக்…
பெங்களூரில் கள்ளக்காதலுக்குத் தடையாக இருந்த தனது சொந்த மகனைக் காதலனுடன் சேர்ந்து குளிர்பானத்தில் தூக்க மாத்திரை கொடுத்துத் துணிச்சலாகக் கழுத்தை…
தனியார் பள்ளிகளிடம் ரூ.100 கோடி லஞ்சம் பெற்ற வழக்கில் கைதாகிச் சிறையில் உள்ள தி.மு.க. முன்னாள் அமைச்சர் அன்பில் மகேஷின்…
கள்ளக்குறிச்சி மாவட்டம், கல்வராயன்மலை தாழ்வாழப்பாடி கிராமத்தைச் சேர்ந்தவர் சின்னையன். இவரது மனைவி தனபாக்கியம் (65). இவர்களுக்கு மூன்று பிள்ளைகள் உள்ளனர்.…