தமிழகத்தில் தனியார் பள்ளிகளுக்கு நிரந்தர அங்கீகாரம் மற்றும் கட்டட அனுமதி பெற்றுத் தருவதாகக் கூறி சுமார் 100 கோடி ரூபாய் மோசடி செய்த புகாரில், திமுக செய்தித் தொடர்புக்குழு துணைத் தலைவரும், கல்வியாளருமான பி.டி. அரசகுமாரை சென்னை பெருநகர மத்திய குற்றப்பிரிவு போலீசார் அதிரடியாகக் கைது செய்துள்ளனர். தமிழ்நாடு தனியார் பள்ளிகள் சங்கங்களின் கூட்டமைப்பின் செயலாளர் இளங்கோவன் அளித்த புகாரின் பேரில் இந்த நடவடிக்கை எடுக்கப்பட்டுள்ளது. இந்த வழக்கில் முதன்மை குற்றவாளியாக (A1) பி.டி. அரசகுமாரும், இரண்டாவது குற்றவாளியாக (A2) அந்த அமைப்பின் பொருளாளர் முத்துக்குமாரும் சேர்க்கப்பட்டு, போலீசார் தீவிர விசாரணை நடத்தி வருகின்றனர்.
புகார்தாரர் இளங்கோவன் அளித்துள்ள தகவலின்படி, கடந்த இரண்டு ஆண்டுகளாக தனியார் பள்ளி நிர்வாகங்கள் தங்களின் பள்ளி தரம் உயர்த்துதல், நகர மற்றும் கிராம திட்டமிடல் இயக்குநரகம் மற்றும் சென்னை பெருநகர வளர்ச்சிக் குழுமம் உள்ளிட்ட துறைகளின் ஒப்புதல்களைப் பெறுவதில் கடும் சிரமங்களை எதிர்கொண்டு வந்துள்ளனர். இந்தச் சூழலைத் தனக்கு சாதகமாகப் பயன்படுத்திக் கொண்ட பி.டி. அரசகுமார், தனது அரசியல் செல்வாக்கு மற்றும் அதிகாரவர்க்கத் தொடர்புகளைப் பயன்படுத்தி உரிய அனுமதிகளைப் பெற்றுத் தருவதாகக் கூறி, தமிழகம் முழுவதும் உள்ள பல்வேறு பள்ளி நிர்வாகங்களிடம் இருந்து முத்துக்குமாரின் உதவியுடன் சுமார் 100 கோடி ரூபாய் வரை வசூலித்துள்ளார். ஆனால், வாக்குறுதி அளித்தபடி அனுமதிகளைப் பெற்றுத் தராமலும், வாங்கிய பணத்தைத் திருப்பிக் கொடுக்காமலும் ஏமாற்றியதாக அவர் மீது குற்றம் சாட்டப்பட்டுள்ளது.
கைது செய்யப்பட்டுள்ள 59 வயதான பி.டி. அரசகுமார் புதுக்கோட்டை மாவட்டத்தைச் சேர்ந்தவர் ஆவார். தற்போது சென்னை சாலிகிராமத்தில் வசித்து வரும் இவர், ‘தமிழ்நாடு தனியார் பள்ளிகள் சங்கம்’ என்ற பதிவு செய்யப்படாத அமைப்பை நடத்தி வருகிறார். கடந்த 1990 முதல் 2000ஆம் ஆண்டு வரை திமுகவில் இருந்த இவர், பின்னர் பாஜகவில் இணைந்து பணியாற்றினார். தொடர்ந்து, கடந்த 2019ஆம் ஆண்டில் மீண்டும் திமுகவில் இணைந்த அரசகுமார், தற்போது அக்கட்சியின் தலைமை செய்தித் தொடர்புக்குழுவின் துணைத் தலைவராகப் பொறுப்பு வகித்து வருகிறார். தற்போது இந்த மோசடி வழக்கில் தொடர்புடைய பிற நிர்வாகிகளை அடையாளம் காணவும், பணப் பரிவர்த்தனைகள் எவ்வாறு நடைபெற்றன என்பதைக் கண்டறியவும் மத்திய குற்றப்பிரிவு போலீசார் விசாரணையை முடுக்கிவிட்டுள்ளனர்.
இந்தக் கைது நடவடிக்கை தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. குறிப்பாக, கடந்த வாரம் சட்டமன்றத்தில் உரையாற்றிய முதலமைச்சர் விஜய், அரசின் பல்வேறு துறைகளில் குறிப்பிட்ட சில கட்சிகளின் பெயரால் நிதி வசூலிக்கப்படுவதாகவும், அதுகுறித்து தீர விசாரித்து உரிய கடுமையான நடவடிக்கைகள் மேற்கொள்ளப்படும் என்றும் எச்சரித்திருந்தார். முதல்வர் விஜய் சட்டமன்றத்தில் இவ்வாறு அறிவித்த சில நாட்களிலேயே, ஆளுங்கட்சிப் பின்னணி கொண்ட முக்கிய நிர்வாகி ஒருவர் 100 கோடி ரூபாய் மோசடிப் புகாரில் கைது செய்யப்பட்டிருப்பது, ‘சொன்னதைச் செய்கிறாரா சிஎம் விஜய்’ என்ற விவாதத்தை மக்கள் மத்தியில் எழுப்பியுள்ளதுடன், இக்கைது மிகுந்த அரசியல் முக்கியத்துவம் வாய்ந்ததாகப் பார்க்கப்படுகிறது.
சன் தொலைக்காட்சியின் 'கல்யாண பரிசு' தொடர் மூலம் பிரபலமடைந்த சின்னத்திரை நடிகர் ஈஸ்வர், தனது முன்னாள் மனைவி ஜெயஸ்ரீயை விவாகரத்து…
நடிகர் சுகுமார் தனது முகநூல் பக்கத்தில், 2002-ஆம் ஆண்டு ஜூனியர் என்.டி.ஆரின் தொடக்க காலத் தெலுங்குப் படப்பிடிப்பில் நடந்த ஒரு…
சென்னையில் நடைபெற்ற ஆந்திர முன்னாள் முதல்வர் ஒய்.எஸ். ஜெகன் மோகன் ரெட்டியின் உறவினர் இல்லத் திருமண வரவேற்பு விழாவில் நடிகர்…
தமிழக வெற்றிக் கழகத்தின் முன்னாள் நிர்வாகி நாகை பூபாலன் கைதான விவகாரத்தில், சர்வதேச அளவில் இயங்கும் மாபெரும் போதைப்பொருள் கடத்தல்…
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…