திமுக பொதுச்செயலாளர் துரைமுருகன் வெளியிட்ட அறிவிப்பின்படி, கட்சித் தலைவர் மு.க.ஸ்டாலின் தலைமையில் ஆகஸ்ட் 22-ஆம் தேதி சனிக்கிழமை காலை 10.00 மணிக்கு சென்னை, கலைஞர் அரங்கில் தலைமைச் செயற்குழு கூட்டம் நடைபெறும் என அதிகாரப்பூர்வமாக தெரிவிக்கப்பட்டுள்ளது. சட்டமன்றத் தேர்தல் முடிவுகளுக்குப் பிறகு கூடும் இந்த முக்கியக் கூட்டத்தில், கட்சியின் எதிர்காலக் கட்டமைப்பு மற்றும் ஆக்கப் பணிகள் குறித்து விரிவாக ஆலோசிக்கப்பட உள்ளது. தேர்தல் கள நிலவரங்களை ஆராய அமைக்கப்பட்ட மறுசீரமைப்பு குழு சமர்ப்பித்த அறிக்கையின் அடிப்படையில், பல அதிரடி மாற்றங்களைச் செயல்படுத்த அறிவாலயம் தீவிரமாக பரிசீலித்து வருகிறது.
கட்சியின் நிர்வாக அமைப்பை மேலும் வலுப்படுத்தும் நோக்கில், தற்போதுள்ள 79 கட்சி மாவட்டங்களின் எண்ணிக்கையை 100-க்கும் அதிகமாக உயர்த்தத் திட்டமிடப்பட்டுள்ளது. தற்போது ஒரு மாவட்ட செயலாளரின் கீழ் 2 முதல் 6 சட்டமன்றத் தொகுதிகள் வரை இருக்கும் நிலையில், இனி ஒருவருக்கு அதிகபட்சமாக 3 தொகுதிகள் மட்டுமே ஒதுக்கும் வகையில் எல்லைகள் மறுசீரமைக்கப்பட உள்ளன. இதன் மூலம் இளைஞர்கள், பெண்களுக்கு அதிகளவில் மாவட்ட செயலாளர் பொறுப்புகள் வழங்கப்பட வாய்ப்புள்ளது. அதேவேளையில், சரியாகச் செயல்படாத சுமார் 10 மாவட்ட செயலாளர்களின் பதவிகளைப் பறித்து, அவர்களுக்கு மாநில அளவில் மாற்றுப் பொறுப்புகளை வழங்கிச் சமாதானப்படுத்தவும் தலைமை முடிவு செய்துள்ளதாகத் தெரிகிறது.
அரசியல் களத்தில் அதிகரித்து வரும் சவால்களையும், புதிய அரசியல் எதிரிகளின் வருகையையும் எதிர்கொள்ளும் வகையில், இளைஞரணிச் செயலாளர் உதயநிதி ஸ்டாலினின் அதிகாரத்தை அதிகரிக்கும் முயற்சிகள் முன்னெடுக்கப்பட்டு வருகின்றன. இதன் ஒரு பகுதியாக, அவரை கட்சியின் செயல் தலைவராக நியமிப்பது குறித்தும் இந்தச் செயற்குழுவில் ஆலோசிக்கப்படலாம் என எதிர்பார்க்கப்படுகிறது. மூத்த தலைவர்களின் அதிகாரத்தைக் குறைத்து, உதயநிதியின் வழிகாட்டுதலில் இளைஞர்களுக்கு முன்னுரிமை அளிக்கும் வகையிலான புதிய அதிகார மையம் உருவெடுத்து வருகிறது.
சமீபத்தில் மாற்றுக் கட்சிகளிலிருந்து திமுகவில் இணைந்த முக்கியப் பிரமுகர்களான முன்னாள் முதலமைச்சர் ஓ. பன்னீர்செல்வம் போன்றோருக்கு மாநில அளவிலான முக்கிய கவுரவப் பொறுப்புகளை வழங்கி கவுரவிக்கத் திட்டம் தீட்டப்பட்டுள்ளது. பழமைவாதக் கட்டமைப்பிலிருந்து விலகி, புதிய இரத்தம் பாய்ச்சும் இந்த உட்கட்சி சீரமைப்பு நடவடிக்கைகள் திமுகவின் வரவிருக்கும் அரசியல் பயணத்தில் பெரும் திருப்புமுனையாக அமையும் என அரசியல் வட்டாரங்கள் கருதுகின்றன.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…