போடு ரகிட ரகிட… மீண்டும் நகைக்கடன் தள்ளுபடி… தமிழக மக்களுக்கு இன்ப அதிர்ச்சி… திமுகவின் தேர்தல் அறிக்கை லிஸ்ட் ரெடி..!

தமிழகத்தில் 2026 ஆம் ஆண்டு சட்டமன்ற தேர்தலில் நோக்கி அரசியல் சூழல் மெல்ல மெல்ல சூடு பிடிக்கிற தொடங்கியுள்ளது. இந்த முறையும் ஆட்சியை கைப்பற்ற திமுக தனது தேர்தல் வியூகங்களை திட்டமிட்டு வருகிறது. மக்களை கவரும் வாக்குறுதிகள் அடங்கிய அறிக்கையை உருவாக்கும் பணியில் ஸ்டாலின் களமிறங்கியுள்ளார். 2026 சட்டமன்ற தேர்தலில் முன்னிட்டு திமுக தன்னுடைய தேர்தல் அறிக்கை தயாரிப்புக் குழுவை கட்சியின் துணை பொது செயலாளர் கனிமொழி எம்பி தலைமையில் அதிகாரப்பூர்வமாக அறிவித்துள்ளது. இந்தக் குழு அனைத்து தரப்பு மக்களின் எதிர்பார்ப்புகளையும் உள்ளடக்கும் விதமாக அறிக்கையை வடிவமைக்கும் என்று தெரிகிறது.

திமுக தேர்தல் அறிக்கை அரசியல் வட்டாரங்களில் பெரும் எதிர்பார்ப்பை உருவாக்கியுள்ளது. 2026 தேர்தலுக்கான முக்கிய வாக்குறுதிகளில் மகளிர் உரிமைத்தொகை உயர்வு, பெண்கள் தொழில் தொடங்குவதற்கு 10,000 ரூபாய் முன்வைப்புத் தொகை வழங்கும் திட்டம் இடம்பெற உள்ளதாக தெரிகிறது. மகளிர் உரிமைத்தொகை தொடர்பான அறிவிப்பு மக்கள் மத்தியில் கவனம் இருக்கும் என தெரிகிறது. கல்வி கடன் மற்றும் நகை கடன் தள்ளுபடி குறித்து அறிவிப்புகள், காலி பணியிடங்களின் நிரப்புதல், ஊழியர்களுக்கான முக்கிய சலுகைகள் ஆகியவையும் தேர்தல் அறிக்கையில் இடம்பெறவுள்ளது.

இவை இளைஞர்கள் மற்றும் நடுத்தர மக்கள் மத்தியில் நல்ல வரவேற்பு பெறும் அம்சமாக கருதப்படுகிறது. விவசாயிகள் நலனை மையமாகக் கொண்டு அதிரடி அறிவிப்புகள் மற்றும் மின் கட்டண குறைப்பு தொடர்பான வாக்குறுதிகளும் சேர்க்கப்பட உள்ளதாக தகவல் வெளியாகி உள்ளது. இந்த 2021 தேர்தலின் போது நகை கடன் தள்ளுபடி மற்றும் மகளிர் உரிமைத் தொகை ஆகிய இரண்டு திட்டங்களும் திமுகவின் வெற்றிக்கு முக்கிய காரணமாக அமைந்த நிலையில் இந்த முறையும் கட்டாயம் நகை கடன் தள்ளுபடி குறித்து அறிவிப்பு வெளியாகும் என எதிர்பார்க்கப்படுகிறது.