உச்சகட்ட பரபரப்பு..! “3 நாட்கள் தான் டைம்” விஜய்யுடன் போட்டோ எடுத்து எனக்கு அனுப்புங்க… த.வெ.க தொண்டர்களுக்கு திவ்யா சத்யராஜ் நேரடி சவால்..!!

தமிழக வெற்றிக் கழகத்தின் தலைவர் விஜய் மற்றும் அக்கட்சியின் தொண்டர்களுக்கு, நடிகை திவ்யா சத்யராஜ் விடுத்துள்ள சவால் அரசியல் வட்டாரத்தில் பெரும் பரபரப்பை ஏற்படுத்தியுள்ளது. சென்னையில் நடைபெற்ற நிகழ்வு ஒன்றில் பேசிய தி.மு.க. தகவல் தொழில்நுட்ப அணியின் மாநில துணைச் செயலாளர் திவ்யா சத்யராஜ், ஒரு கட்சியின் தலைவருக்கு தனது தொண்டர்களின் பெயர்கள் தெரிந்திருக்க வேண்டியது அவசியம் என்று குறிப்பிட்டார். குறிப்பாக, “விஜய் அவர்களால் பேப்பரைப் பார்க்காமல் தனது கட்சியின் 10 தொண்டர்களின் பெயர்களைச் சொல்ல முடியுமா?” என்று கேள்வி எழுப்பிய அவர், அடுத்த 3 நாட்களுக்குள் விஜய்யுடன் புகைப்படம் எடுத்துத் தனது இன்ஸ்டாகிராம் பக்கத்திற்கு அனுப்பி வைக்குமாறு த.வெ.க தொண்டர்களுக்கு நேரடி சவால் விடுத்துள்ளார்.

மக்களுக்கு என்ன செய்யப்போகிறோம் என்ற தெளிவான புரிதல் இல்லாமல், தேர்தல் அறிக்கையைப் பார்த்துப் பிறகு சொல்கிறேன் என்று கூறுவது ஏற்புடையதல்ல என்றும் திவ்யா சத்யராஜ் விமர்சித்துள்ளார். நோயாளிக்கு என்ன சிகிச்சை அளிக்க வேண்டும் என்பதைப் புத்தகத்தில் படித்துவிட்டு வந்து சொல்கிறேன் என்று கூறும் மருத்துவரை யாரும் நம்பமாட்டார்கள் என்பதை உதாரணமாகக் காட்டிய அவர், மக்களின் தேவைகளை அறிந்து செயல்படாத ஒருவரை மக்கள் எப்படி நம்பி வாக்களிப்பார்கள் என்று கேள்வி எழுப்பினார். விஜய்யின் அரசியல் அணுகுமுறையை விமர்சிக்கும் வகையில் அமைந்த திவ்யா சத்யராஜின் இந்த அதிரடி பேச்சு தற்போது சமூக வலைதளங்களில் விவாதப் பொருளாக மாறியுள்ளது.