அட.., நம்ம வெற்றிமாறனா இது.. வெளிநாட்டில் மாடர்ன் ட்ரெஸ்ஸில் மனைவி பிள்ளைகளுடன் சுற்றித் திரியும் புகைப்படங்கள் வைரல்..

தமிழ் சினிமாவில் தவிர்க்க முடியாத இடத்தை பிடித்திருக்கூடிய இயக்குனர்களில் ஒருவர் வெற்றிமாறன். ‘பொல்லாதவன்’ படத்தின் மூலம் தமிழ் திரையுலகில் அறிமுகமான வெற்றிமாறன் தொடர்ந்து அசுரன் வரை வெற்றிப்படங்களை மட்டுமே கொடுத்துள்ளார்.இவர் ரசிகர்களின் நம்பிக்கைக்குரிய இயக்குனராக உள்ளார்.

ஏனென்றால் இவரின் இயக்கத்தில் வெளி வந்த பல திரைப்படங்கள் மெகாஹிட் திரைப்படங்களாக அமைந்துள்ளது. மேலும் வெற்றிமாறன் இயக்கத்தில் வெளியாகிய பல திரைப்படங்கள் விருதுகளை வாரியும் குவித்துள்ளது. இவர் இயக்கத்தில் வெளியான ‘அசுரன்’ திரைப்படம்  பல விருதுகளையும் வென்றது நாம் அனைவரும் அறிந்ததே.

சமீபத்தில் இவர் நடிகர் சூரி, விஜய் சேதுபதி நடிப்பில் வெளியான விடுதலை திரைப்படத்தை இயக்கியிருந்தார். இத்திரைப்படம் 2 பாகங்களாக உருவாகியுள்ளது. முதல் பாகத்திற்கு கிடைத்த வெற்றியை தொடர்ந்து தற்போது இரண்டாம் பாகமும் உருவாகி வருகிறது. இந்த ஆண்டு வெளியாகவுள்ள ‘விடுதலை 2’ படம் ரசிகர்கள் மத்தியில் மிகுந்த ஆவலை ஏற்படுத்தி உள்ளது. தற்பொழுது நெதர்லாந்தில் உள்ள ரோட்டர்டாம் மாகாணத்தில் திரைப்பட விழா நடைபெற்று வருகிறது.

இதில் விடுதலை 1 மற்றும் 2 ஆகிய இரண்டு படங்களும் திரையிடப்பட்டுள்ளன. படத்தை பார்த்தவர்களை தொடர்ந்து 10 நிமிடங்கள் எழுந்து நின்று கைதட்டியுள்ளனர். அந்த வீடியோ கூட இணையத்தில் வைரலானது.

இந்நிலையில் ரோட்டர்டாம் சென்றுள்ள இயக்குனர் வெற்றிமாறன் தனது மனைவி, மகன், மகளுடன் எடுத்துக்கொண்ட அழகிய குடும்ப புகைப்படங்கள் தற்போது இணையத்தில் வெளியாகி வைரலாகி வருகிறது.