நடிகர் தனுஷ் நடிப்பில் உருவாகும் டி 56 படம்… முக்கிய அப்டேட் தந்த படத்தின் இயக்குனர் மாரி செல்வராஜ்!

நடிகர் தனுஷ் நடிப்பில் தமிழில் கடைசியாக வெளியான படம் இட்லி கடை. இந்த படத்தைத் தொடர்ந்து இந்தியில் அவர் நடித்த தேரே இஷ்க் மெயின் என்ற படமும் வெளியானது. அதைத் தொடர்ந்து போர்த்தொழில் பட இயக்குனர் விக்னேஷ் ராஜா இயக்கத்தில் கர என்ற படத்தில் நடிகர் தனுஷ் நடித்து முடித்துள்ளார். இந்த படம் வருகிற ஏப்ரல் மாதம் வெளியாக உள்ளது.

இந்நிலையில் தற்போது ராஜ்குமார் பெரியசாமி இயக்கத்தில் டி 55 என்ற படத்தில் நடிகர் தனுஷ் நடித்து வருகிறார். இந்த படத்தைத் தொடர்ந்து தனுஷ் தனது 56வது படத்தில் நடிக்க உள்ளார். இந்த படத்தை இயக்குனர் மாரி செல்வராஜ் டைரக்ட் செய்கிறார். ஏற்கனவே தனுஷ் நடித்த கர்ணன் படத்தை மாரி செல்வராஜ் டைரக்ட் செய்திருந்தார் என்பது குறிப்பிடத்தக்கது.

தனது இயக்கத்தில் உருவாக உள்ள டி56 படம் குறித்து இயக்குனர் மாரி செல்வராஜ் இப்போது முக்கிய தகவலை கூறியுள்ளார். வரும் செப்டம்பர் மாதம் டி 56 படப்பிடிப்பு துவங்கும். இந்த படம் அரசியல் மற்றும் வரலாறு சார்ந்த கதைகளத்தில் உருவாகிறது. இந்த படம் என்னுடைய சினிமா பயணத்தில் மிகப்பெரிய படமாக அமையும் என்று மாரி செல்வராஜ் கூறியிருக்கிறார்.