மதுராந்தகம் மற்றும் தாராபுரம் ஆகிய இரண்டு சட்டமன்றத் தொகுதிகளின் இடைத்தேர்தல் வாக்குப்பதிவு அக்டோபர் 6ஆம் தேதி நடைபெற்ற நிலையில், இன்று காலை முதல் பலத்த பாதுகாப்புடன் வாக்கு எண்ணிக்கை நடைபெற்று வருகிறது. தாராபுரம் தொகுதியில் பதிவான மொத்த வாக்குகளை எண்ணுவதற்காக திருப்பூர் எல்.ஆர்.ஜி. கல்லூரியில் 14 மேசைகள் அமைக்கப்பட்டு, 23 சுற்றுகளாக வாக்குகள் எண்ணப்பட்டு வருகின்றன. இந்தத் தேர்தலில் தவெக சார்பில் சத்யபாமா, திமுக சார்பில் சுகன்யா, அதிமுக சார்பில் பானுமதி மற்றும் நாம் தமிழர் கட்சி சார்பில் கார்த்திகா உள்ளிட்ட 22 வேட்பாளர்கள் களத்தில் உள்ளனர்.
தபால் வாக்குகள் மற்றும் முதல் சுற்று வாக்கு எண்ணிக்கையின்போது தவெக வேட்பாளர் சத்யபாமா முன்னிலை வகித்ததால் அக்கட்சியினர் மத்தியில் பெரும் உற்சாகம் ஏற்பட்டது. இருப்பினும், அடுத்தடுத்த சுற்றுகளில் நிலவரம் மாறியதுடன், அதிமுக வேட்பாளர் பானுமதி தனது வாக்குகளை உயர்த்தி சுமார் 1000-க்கும் மேற்பட்ட வாக்குகள் வித்தியாசத்தில் முன்னிலை பெற்றுள்ளார். தாராபுரத்தில் அதிமுகவின் இந்த திடீர் திருப்பம் அக்கட்சியினரிடையே மிகுந்த உற்சாகத்தை ஏற்படுத்தியுள்ளதோடு, சமூக வலைதளங்களிலும் அவர்களின் கொண்டாட்டங்களை தீவிரப்படுத்தியுள்ளது.
இந்த இடைத்தேர்தல் முடிவுகள் தவெகவின் எதிர்கால அரசியல் திட்டங்களுக்கு சற்றே பின்னடைவை ஏற்படுத்தியுள்ளதாக அரசியல் விமர்சகர்கள் கருதுகின்றனர். இரண்டு தொகுதிகளிலும் வெற்றி பெற்று, வரவிருக்கும் மற்ற 5 சட்டமன்றத் தொகுதி இடைத்தேர்தல்களிலும் முழு பலத்துடன் களமிறங்க விஜய் திட்டமிட்டிருந்தார். மேலும், தவெகவின் தொடக்க வெற்றிகள் பல அதிமுக எம்.எல்.ஏ.க்களைத் தங்கள் கட்சிக்கு ஈர்க்கும் என்ற எதிர்பார்ப்பும் இதன் மூலம் சற்று மங்கத் தொடங்கியுள்ளது.
தாராபுரத்தில் அதிமுக முன்னிலை வகிப்பது குறித்து தற்போது சமூக வலைதளங்களில் காரசார விவாதங்கள் எழுந்துள்ளன. இந்தத் தேர்தல் முடிவுகள் தவெகவில் சமீபத்தில் இணைந்த முன்னாள் மாஜிகள் மற்றும் அதிமுகவிலிருந்து தாவத் திட்டமிட்டிருந்த சிட்டிங் எம்.எல்.ஏ.க்கள் மத்தியில் பெரும் கலக்கத்தை ஏற்படுத்தியுள்ளது. வாக்கு எண்ணிக்கை தொடர்ந்து நடைபெற்று வருவதால், தாராபுரத்தில் இறுதி வெற்றி யாருக்குச் சாதகமாக அமையும் என்ற எதிர்பார்ப்பு அரசியல் வட்டாரத்தில் உச்சத்தை எட்டியுள்ளது.
சோஹ்ரத்கர் நகரின் 11-வது வார்டுக்கு உட்பட்ட ரகுநாத்நகர் பகுதியில், காஜல் என்ற பெண்ணும் அவரது 18 மாத மகன் டைகரும்…
செயற்கை நுண்ணறிவு சிப் தயாரிப்பில் முன்னணியில் உள்ள என்விடியா நிறுவனத்தை 30 ஆண்டுகளுக்கும் மேலாக வழிநடத்தி உச்சத்திற்குக் கொண்டு சென்ற…
கர்நாடக மாநிலம் துமகூரு மாவட்டத்தில் உள்ள பண்டிகவுடனபாள்யா கிராமத்தைச் சேர்ந்த சிக்கமரியப்பா மற்றும் அவரது மனைவி நரசம்மா ஆகியோர், திங்கள்கிழமை…
இந்தியாவில் திருமணம் செய்துகொண்டு வெளிநாட்டில் பெறும் விவாகரத்துத் தீர்ப்புகள் இந்தியாவில் தானாகவே செல்லுபடியாகாது என்று உச்ச நீதிமன்றம் முக்கியத் தீர்ப்பு…
உலகளாவிய சந்தையில் ஏற்பட்டுள்ள தொடர் சரிவின் எதிரொலியாக, உள்நாட்டிலும் ஆபரணத் தங்கத்தின் விலை கடந்த நான்கு தினங்களில் சவரனுக்குச் சுமார்…
திருச்சி மாவட்டம் மணப்பாறை அருகேயுள்ள கருப்பூர் கிராமத்தைச் சேர்ந்த 36 வயதான துரைமுருகன், மலேசியாவில் கடந்த இரண்டரை ஆண்டுகளாகத் தனியார்…