என்னது இரண்டு மூன்று காதலா… லவ் பண்றதை பத்தி இப்படி சொல்லிட்டாங்களே டிடி…

திவ்யதர்ஷினி எனப்படும் டிடி தொலைக்காட்சி தொகுப்பாளர் மற்றும் நடிகை ஆவார். இவர் சின்னத்திரை விஜய் டிவியில் பல நிகழ்ச்சிகளை தொகுத்து வழங்கியதன் மூலம் பிரபலமானவர். அதிக சம்பளம் வாங்கும் தொலைக்காட்சி தொகுப்பாளர்களில் டிடியும் ஒருவர். காபி வித் டிடி, அன்புடன் டிடி போன்ற விஜய் டிவியின் பல நிகழ்ச்சிகளை 20 வருடங்களுக்கு மேலாக தொகுத்து வழங்கியுள்ளார்.

ஆரம்பத்தில் குழந்தை தொகுப்பாளர் ஆடிஷனில் கலந்துகொண்டு 1999 ஆம் ஆண்டு குழந்தை தொகுப்பாளராக தனது கேரியரை தொடங்கியவர் டிடி. பின்னர் 2003 ஆம் ஆண்டு கமலஹாசன் தயாரித்த ‘நள தமயந்தி’ திரைப்படத்தில் நடித்ததன் மூலம் நடிகையாக அறிமுகமானார். தொடர்ந்து சின்னத்திரை தொலைக்காட்சி தொடர்களில் நடிக்க ஆரம்பித்தார் டிடி. 2007 முதல் விஜய் டிவியில் தொகுப்பாளராக தனது பயணத்தை ஆரம்பித்தார் டிடி.

தொகுப்பாளராக தனது பயணத்தில் திரையுலகின் முக்கியமான மற்றும் பெரும்பாலான பிரபலங்களை பேட்டி எடுத்துள்ளார் டிடி. டிடி பேட்டி எடுக்கிறார் என்றால் பிரபலங்கள் விரும்பி அந்த நிகழ்ச்சிக்கு வருவர். ஏனென்றால் அவர்களிடம் அவர்கள் பேசும் விதத்திலே பேசி அனைத்து கேள்விகளுக்கும் பதிலை வாங்கி விடுவார் டிடி. கிட்டத்தட்ட விஜய் டிவியின் செல்ல பிள்ளையாகவே இருந்து வந்தார் டிடி.

தற்போது சில வருடமாக மையோ சிட்டிஸ் என்னும் நோயால் பாதிக்கப்பட்ட டிடி தொகுப்பாளினியாக தொடர முடியாத நிலைக்கு தள்ளப்பட்டார். அவ்வபோது இன்ஸ்டா போன்ற தளத்தில் ஆக்டிவாக கருத்துக்கள் மற்றும் வீடியோக்களை பதிவிட்டு வருகிறார் டிடி. இதில் சமீபத்தில் காதலைப் பற்றி அவர் பேசியிருந்தார்.

அவர் கூறியது என்னவென்றால் காதல் ரொம்ப அழகான விஷயம். நம்ம வாழ்க்கையில் இரண்டு அல்லது மூன்று முறை கூட காதல் வரலாம் தப்பில்லை. ஆனால் ஒரே நேரத்தில் நான்கைந்து காதல்தான் இருக்கவே கூடாது என்று கூறியுள்ளார் டிடி.