15 நாள் ஆகும்னு நினைச்சேன்.. 5 நாள்ல முடிச்சிட்டீங்க சரி வருமான்னு யோசிச்ச ஷங்கர்.. ஒரே பாட்டில் ஓஹோன்னு ரீச் ஆன கல்யாண் மாஸ்டர்..!!

தமிழ் சினிமாவின் முன்னணி நடன இயக்குனர்களில் ஒருவர் கல்யாண். இவர் தமிழ் மட்டும் இல்லாமல் தெலுங்கு, மலையாளம், கன்னடம், இந்தி உள்ளிட்ட மொழி திரைப்படங்களில் வேலை பார்த்துள்ளார். இவர் 200-க்கும் மேற்பட்ட படங்களில் பாடல்களுக்கு கோரியோகிராப் செய்துள்ளார். கடந்த 1987-ஆம் ஆண்டு ரிலீசான பெயர் சொல்லும் பிள்ளை திரைப்படத்தில் நடன கலைஞராக என்ட்ரி கொடுத்தார். 1980-களில் பல தமிழ் திரைப்படங்களில் உதவி நடன இயக்குனராக வேலை பார்த்துள்ளார்.

இப்போது பிரபலமான ரியாலிட்டி தொலைக்காட்சி நடன நிகழ்ச்சிகளான ஜோடி நம்பர் ஒன் மற்றும் விஜய் டிவியின் கிங்ஸ் ஆப் டான்ஸ் ஆகியவற்றில் நடுவராக இருக்கிறார். கடந்த 2005-ஆம் ஆண்டு ஷங்கர் இயக்கத்தில் விக்ரம் நடிப்பில் அந்நியன் படம் ரிலீஸ் ஆனது. பொதுவாக சங்கர் படம் என்றால் பாடல்களை பிரம்மாண்டமாக இருக்கும். பாடல்களுக்கு கோடிக்கணக்கில் பணத்தை செலவழிப்பார்கள்.

சமீபத்தில் கல்யாண அளித்த பேட்டியில் கூறியதாவது, அந்நியன் படத்தில் ரண்டக்கா ரண்டக்க பாடலுக்கு நான் தான் கொரியோகிராப் செய்தேன். முதலிலேயே ஷங்கர் இத்தனை டான்சர்கள், பாடல் இப்படி இருக்க வேண்டும் என்னை அனைத்தையும் சொல்லிவிட்டார். சரியாக ஆறாவது நாளில் நான் பாடலை முடித்து விட்டேன். உடனே சங்கரிடம் பாடல் முடிந்ததாக கூறினேன். அவர் நீங்க 15 நாள் ஆக்குவீங்கன்னு நினைச்சா அதுக்குள்ள எப்படி எடுத்து முடிச்சீங்க. சரியா எடுக்கலையா? என கேட்டார். எனக்கும் இது முக்கியமான படம். அப்படியெல்லாம் பண்ணல.

பொதுவா ஒரு பாடல் எடுத்தால் மற்ற விஷயங்களை செய்து தருவதற்கு லேட் ஆகும். வாங்க ஆனா நீங்க எல்லா விஷயத்தையும் பக்காவா செஞ்சிட்டீங்க. அதனாலதான் சீக்கிரமா பாடல் எடுத்து முடிச்சிட்டேன் என சொன்னேன். ஷங்கர் எனக்கு பயமா இருக்கு. இது சரியா வருமா? யோசனையா இருக்குன்னு தயங்கினார். இது கண்டிப்பா நல்லா தான் வரும்னு நான் சொன்னேன். அது மாதிரியே பாடல் சூப்பர் ஹிட் ஆச்சு. சமீபத்தில் ஷங்கர் அவரது மகளின் திருமண பத்திரிக்கை கொண்டுவரும்போது கூட என் வாழ்க்கையில் மறக்க முடியாத அந்த பாடலை கொடுத்தது நீங்கதான்னு சொன்னாரு என கல்யாண் மாஸ்டர் கூறியுள்ளார்.