தமிழகக் கூட்டுறவு வங்கிகளில் வழங்கப்பட்டுள்ள நகைக்கடன்கள் விரைவில் தள்ளுபடி செய்யப்படலாம் என்ற எதிர்பார்ப்பு பொதுமக்கள் மத்தியில் பெரும் உற்சாகத்தை ஏற்படுத்தியுள்ளது. தமிழக சட்டமன்றத் தேர்தல் நெருங்கி வரும் வேளையில், அரசியல் கட்சிகள் தங்களது தேர்தல் வாக்குறுதிகளின் ஒரு பகுதியாகக் கடன் தள்ளுபடி அறிவிப்புகளை வெளியிடத் திட்டமிட்டு வருகின்றன. குறிப்பாக, கடந்த தேர்தலின் போது அளிக்கப்பட்ட வாக்குறுதியின்படி நகை மற்றும் பயிர் கடன்கள் தள்ளுபடி செய்யப்பட்டது, இம்முறையும் அத்தகைய அறிவிப்புகள் வெளியாகும் என்ற நம்பிக்கையை மக்களிடையே அதிகரித்துள்ளது.
தற்போதைய நிலவரப்படி, பயிர் கடன், நகை கடன் மற்றும் மகளிர் சுய உதவி குழு கடன்கள் உள்ளிட்ட பல்வேறு பிரிவுகளில் கூட்டுறவு வங்கிகள் கடன் வழங்கி வருகின்றன. இதில் அதிமுக பொதுச்செயலாளர் எடப்பாடி பழனிசாமி ஏற்கனவே மாற்றுத்திறனாளிகள் மற்றும் சிறுபான்மையினருக்கான கடன்கள் தள்ளுபடி செய்யப்படும் என அறிவித்துள்ள நிலையில், அதற்குப் போட்டியாக ஆளும் திமுக தரப்பிலும் பல்வேறு சலுகைகள் மற்றும் தள்ளுபடி அறிவிப்புகள் வெளியாகலாம் எனத் தெரிகிறது. இதன் காரணமாக, கடனைத் திருப்பிச் செலுத்துவதை விட புதிய கடன்களைப் பெறுவதில் மக்கள் அதிக ஆர்வம் காட்டி வருகின்றனர்.
இதற்கு சான்றாக, நடப்பு நிதியாண்டின் முதல் ஒன்பது மாதங்களில் மட்டும் சுமார் 85,000 கோடி ரூபாய் கடன் வழங்கப்பட்டுள்ளது. இது கடந்த ஆண்டின் இதே காலக்கட்டத்தை விட 13,000 கோடி ரூபாய் அதிகமாகும். மேலும், குடும்பச் செலவுகள் மற்றும் திருமணத் தேவைகளுக்காக குறைந்த வட்டியில் 10 லட்சம் ரூபாய் வரை புதிய கடன் திட்டத்தை அறிமுகப்படுத்த அரசு ஆலோசித்து வருவதாகத் தகவல்கள் தெரிவிக்கின்றன. இத்தகைய புதிய திட்டங்கள் கடன் பெறுவோரின் எண்ணிக்கையை மேலும் அதிகரிக்கும் என எதிர்பார்க்கப்படுகிறது.
இருப்பினும், இத்தகைய தள்ளுபடி அறிவிப்புகள் கூட்டுறவு வங்கிகளின் நிதி நிலைமையைப் பாதிக்கக்கூடும் என அதிகாரிகள் கவலை தெரிவிக்கின்றனர். நபார்டு வங்கியிடம் பெறப்படும் நிதி மற்றும் பொதுமக்களின் வைப்புத் தொகையைக் கொண்டே இந்தக் கடன்கள் வழங்கப்படுவதால், அரசியல் காரணங்களுக்காகக் கூட்டுறவு வங்கிகளைப் பயன்படுத்துவது நீண்ட கால அடிப்படையில் நிதி நெருக்கடியை உருவாக்கலாம் என்று எச்சரிக்கப்படுகிறது. எனினும், தேர்தலை முன்னிட்டு வெளியாகவுள்ள அதிகாரப்பூர்வ அறிவிப்புகளுக்காக மக்கள் ஆவலுடன் காத்திருக்கின்றனர்.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…