இந்த வார நாமினேஷனில் சிக்கிய போட்டியாளர்கள்…. வெளியேறப்போவது இவர் தானா…?

விஜய் டிவியின் மிகவும் பிரபலமான நிகழ்ச்சிகளில் ஒன்றான பிக்பாஸ் நிகழ்ச்சியின் 8வது சீசன் கடந்த அக்டோபர் 6ம் தேதி பிரமாண்டமாக தொடங்கியது. இதுவரை பிக் பாஸ் நிகழ்ச்சியை தொகுத்து வழங்கி வந்த கமல்ஹாசன் இந்த நிகழ்ச்சியில் இருந்து விலகிய நிலையில் தற்போது கமல்ஹாசனுக்கு பதில் விஜய் சேதுபதி நிகழ்ச்சியை தொகுத்து வழங்கி வருகிறார். இந்த நிகழ்ச்சி 18 நாட்களைக் கடந்து ஒளிபரப்பாகி வருகிறது.

இதில் ஒன்பது ஆண்கள் மற்றும் ஒன்பது பெண்கள் என மொத்தம் 18 போட்டியாளர்கள் கலந்து கொண்டனர். அதில் 24 மணி நேரத்தில் போட்டியாளர் சாச்சனா பிக் பாஸ் வீட்டில் இருந்து வெளியேற்றப்பட்ட நிலையில் பிறகு மீண்டும் பிக் பாஸ் வீட்டுக்கு அனுப்பப்பட்டார். அதனைத் தொடர்ந்து முதல் வார எலிமினேஷனில் போட்டியாளர் ரவீந்தர் வெளியேறினார்.

அவரைத் தொடர்ந்து போட்டியாளர் அரணவ், தர்ஷா குப்தா ஆகியோர்  எலிமினேட் செய்யப்பட்டனர். இதனை தொடர்ந்து நிகழ்ச்சியை சூடு பிடிக்க தொடங்கியுள்ள நிலையில் ரசிகர்களிடம் எதிர்பார்க்காத ரெஸ்பான்ஸ் இல்லாத காரணத்தால் இந்த வாரம் 5 புதிய வைல்ட் கார்டு என்ட்ரி போட்டியாளர்களை விஜய் டிவி களமிறக்கியுள்ளது.

இந்நிலையில் இந்த வாரம் நாமினேஷனில் ஆண்கள் அணியில் முத்துக்குமரன், தீபக், விஷால் ,ரஞ்சித், அருண் மற்றும் பெண்கள் அணியில் ஜாக்லின், பவித்ரா, சாச்சனா, ஆனந்தி, அன்ஷிதா ஆகியோர் லிஸ்டில் உள்ளனர். இவர்களில் யார் வெளியேறுவார் என்பது இந்த வாரம் தெரியும்.