தவெகவுடன் கூட்டணி?… அறிவாலயத்தை அதிரவைத்த காங்கிரஸின் ‘ரூட் மாப்’… செம ஷாக்கில் ஸ்டாலின்….!

திமுக கூட்டணியில் தொகுதிப் பங்கீடு குறித்த பேச்சுவார்த்தைகள் சூடுபிடித்துள்ள நிலையில், காங்கிரஸ் மேலிடப் பார்வையாளர் கிரிஷ் சோடங்கரின் சமீபத்திய கருத்துக்கள் அரசியல் களத்தில் பெரும் பரபரப்பை ஏற்படுத்தியுள்ளன. திமுக தரப்பில் ஒதுக்கப்பட்டதாகக் கூறப்படும் 25 தொகுதிகளை ஏற்க முடியாது என திட்டவட்டமாகத் தெரிவித்துள்ள அவர், தமிழக வெற்றிக் கழகத்தை (தவெக) குறைத்து மதிப்பிட முடியாது என்றும், காங்கிரஸின் பலத்தை விஜய் நன்கு அறிவார் என்றும் குறிப்பிட்டுள்ளார். இது வெறும் தொகுதி எண்ணிக்கையை உயர்த்துவதற்கான ‘பேரம் பேசும் உத்தி’ (Pressure Strategy) என்று அரசியல் விமர்சகர்கள் கருதினாலும், காங்கிரஸின் இந்தத் திடீர் தவெக ஆதரவு நிலைப்பாடு திமுக மேலிடத்தைச் சற்றே யோசிக்க வைத்துள்ளது.

மறுபுறம், ஒருவேளை திமுகவுடனான பேச்சுவார்த்தையில் இழுபறி நீடித்தால், காங்கிரஸ் கட்சி தவெகவுடன் கைகோர்க்கும் முயற்சியில் இறங்குமோ என்ற சந்தேகம் திமுக தரப்பிற்குச் சிறு பதற்றத்தை ஏற்படுத்தியுள்ளது. தவெக போன்ற புதிய மற்றும் வளரும் சக்திகளுடன் காங்கிரஸ் நெருக்கம் காட்டுவது, தற்போதைய மெகா கூட்டணியின் வலிமையைப் பாதிக்கலாம் என உடன்பிறப்புகள் கவலை கொள்கின்றனர். இருப்பினும், தேர்தல் நெருங்கும் வேளையில் இது போன்ற கருத்து மோதல்கள் சாதாரணமானது என்றும், இறுதியில் ஒரு சுமுகமான உடன்பாடு எட்டப்படும் என்றும் மற்றொரு தரப்பினர் நம்பிக்கை தெரிவிக்கின்றனர்.