தமிழக சட்டமன்றத் தேர்தல் களம் சூடுபிடித்துள்ள நிலையில், திமுக கூட்டணியில் உள்ள மற்ற கட்சிகள் தங்கள் வேட்பாளர்களை அறிவித்து பிரச்சாரத்தைத் தொடங்கிவிட்டன. ஆனால், 25 தொகுதிகளில் போட்டியிடும் காங்கிரஸ் கட்சியில் இன்னும் வேட்பாளர் பட்டியல் இறுதி செய்யப்படாதது தொண்டர்களிடையே பெரும் குழப்பத்தை ஏற்படுத்தியுள்ளது. குறிப்பாக, மாநிலத் தலைமை சமர்ப்பித்த வேட்பாளர் பட்டியலில் ராகுல் காந்தி கடும் அதிருப்தி அடைந்திருப்பதாகத் தகவல்கள் வெளியாகியுள்ளன. தகுதியானவர்களுக்கு வாய்ப்பளிக்காமல், பணப் பரிமாற்றம் மற்றும் பரிந்துரைகளின் அடிப்படையில் பட்டியல் தயாரிக்கப்பட்டதாக எழுந்த புகார்களே இந்த அதிருப்திக்கு முக்கியக் காரணமாகச் சொல்லப்படுகிறது.
வேட்புமனு தாக்கல் செய்ய இன்னும் சில நாட்களே உள்ள நிலையில், டெல்லியில் நடைபெற்ற தேர்தல் மையக்குழு கூட்டத்தில் ராகுல் காந்தி அதிரடி உத்தரவுகளைப் பிறப்பித்துள்ளார். பழைய பட்டியலை நிராகரித்துவிட்டு, வெற்றி வாய்ப்புள்ள புதிய வேட்பாளர்களின் பட்டியலை உடனடியாகத் தயார் செய்யுமாறு தமிழகப் பொறுப்பாளர் கிரிஷ் சோடங்கர் மற்றும் மாநிலத் தலைவர் செல்வப்பெருந்தகை ஆகியோருக்கு அறிவுறுத்தப்பட்டுள்ளது. இதனால் திங்கட்கிழமை மீண்டும் ஒரு முக்கியமான ஆலோசனைக் கூட்டம் நடைபெறவுள்ளது. இதில் இறுதி செய்யப்படும் பெயர்கள் ஸ்கிரீனிங் கமிட்டியின் ஒப்புதலுக்குப் பின் அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது.
உட்பூசல்கள் ஒருபுறமிருக்க, தொகுதிப் பங்கீட்டிலும் காங்கிரஸ் கட்சிக்குள் புகைச்சல் கிளம்பியுள்ளது. சிவகங்கை போன்ற முக்கியமான தொகுதிகளை திமுகவிடம் இருந்து கேட்டுப் பெறாததில் கார்த்தி சிதம்பரம் உள்ளிட்ட எம்பிக்கள் அதிருப்தியில் உள்ளதாகக் கூறப்படுகிறது. அதேபோல், பட்டுக்கோட்டை தொகுதியைக் கோராதது மற்றும் குளச்சல் தொகுதியை மீனவர் சமூகத்திற்கு ஒதுக்காதது போன்ற விவகாரங்கள் கட்சியின் பல்வேறு பிரிவினரிடையே கொந்தளிப்பை ஏற்படுத்தியுள்ளது. இந்த உட்கட்சி மோதல்கள் மற்றும் சமூக ரீதியிலான கோரிக்கைகளே வேட்பாளர் பட்டியல் வெளியாவதில் தாமதத்தை உண்டாக்கியுள்ளன.
நேரடியாக 18 தொகுதிகளில் அதிமுகவை எதிர்கொள்ளும் காங்கிரஸ் கட்சிக்கு, இந்த வேட்பாளர் தேர்வு மிக முக்கியமான சவாலாக மாறியுள்ளது. ஒருபுறம் திமுகவின் வேட்பாளர்கள் களத்தில் இறங்கிவிட்ட நிலையில், காங்கிரஸ் இன்னும் தன் வேட்பாளர்களைத் தேடிக்கொண்டிருப்பது கூட்டணிக் கட்சிகளிடையே ஒருவித தொய்வை ஏற்படுத்தியுள்ளது. ராகுல் காந்தியின் தலையீட்டிற்குப் பிறகு வெளியாகும் புதிய பட்டியல், இந்த அதிருப்திகளைச் சரிசெய்து கட்சியை வெற்றிப் பாதைக்கு அழைத்துச் செல்லுமா என்பதைப் பொறுத்திருந்துதான் பார்க்க வேண்டும்.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…