“கட்டாய கர்ப்ப பரிசோதனை” அரசு ஹாஸ்டலில் மாணவிகளுக்கு நேர்ந்த கொடுமை…!!

மகாராஷ்டிர மாநிலம் புனேவில் உள்ள அரசு பழங்குடியினர் நல விடுதியில் நடந்ததாகக் கூறப்படும் கட்டாய கர்ப்பப் பரிசோதனை சம்பவம் அதிர்ச்சியையும், பெரும் சர்ச்சையையும் ஏற்படுத்தியுள்ளது. விடுமுறைக்குப் பிறகு விடுதிக்குத் திரும்பும் மாணவிகளை, விடுதி நிர்வாகம் கட்டாயமாக கர்ப்பப் பரிசோதனைக்கு உட்படுத்துகிறது என்றும், பரிசோதனைக்கு மறுத்தால் விடுதிக்குள் நுழைய அனுமதி மறுக்கப்படுகிறது என்றும் பழங்குடியின மாணவிகள் குற்றம் சாட்டியுள்ளனர். இந்த விவகாரம் முக்கியமாக பழங்குடியினர் நலத்துறையின் கீழ் இயங்கும் விடுதிகளில் தங்கியுள்ள சிறுமிகள் மற்றும் இளம் பெண்களைப் பாதிக்கிறது.

இந்த விவகாரம் வெளிச்சத்துக்கு வந்த பிறகு, அதிகாரிகள் பின்வரும் நடவடிக்கைகளை மேற்கொண்டுள்ளதாகத் தெரிவித்துள்ளனர். பழங்குடியினர் நலத்துறை ஆணையர் மற்றும் மாவட்ட நிர்வாகம் சார்பில் இந்த விவகாரம் குறித்து விசாரணை நடத்தப்பட்டது.  முதல் கட்ட விசாரணையின் அடிப்படையில், சம்பந்தப்பட்ட விடுதியின் கண்காணிப்பாளர் உட்பட சில ஊழியர்கள் தற்காலிகமாக பணியிடை நீக்கம்  செய்யப்பட்டுள்ளனர்.