காலையிலேயே குஷியான ஸ்டாலின்… கூட்டணியை அறிவித்த பிரபல கட்சி… அனல் பறக்கும் அரசியல் களம்…!

தமிழகத்தில் சட்டமன்றத் தேர்தல் நெருங்கும் நிலையில் அனைத்து கட்சிகளும் தங்களுடைய தேர்தல் பணியில் தீவிரம் காட்டி வருகின்றன. கூட்டணி கணக்குகளும் தொகுதி பங்கிடும் பேசப்பட்டு வரும் நிலையில் பல்வேறு திருப்பங்களும் நிகழ்ந்து கொண்டிருக்கிறது. தமிழகத்தில் நடைபெறும் சட்டமன்ற தேர்தல் என்றாலே அதிமுக மற்றும் திமுக இடையே தான் போட்டி என்ற நிலை இருந்த நிலையில் தற்போது விஜயின் வருகை அதனை தலைகீழாக மாற்றியுள்ளது. இது ஒரு பக்கம் இருக்க மற்றொரு பக்கம் திராவிட கட்சிகள் தங்களுடைய கூட்டணி கணக்குகளில் தீவிரம் காட்ட தொடங்கிவிட்டன.

அதிமுக தேசிய கட்சியான பாஜக உடனும் தமாகவுடன் மட்டுமே கூட்டணியில் உள்ள நிலையில் திமுகவுடன் விடுதலை சிறுத்தைகள் கட்சி, காங்கிரஸ், கம்யூனிஸ்டு மற்றும் மதிமுக போன்ற கட்சிகள் நீண்ட காலமாக கூட்டணியில் உள்ளன. அதிமுக மற்றும் பாஜக கூட்டணியில் வெளிவராத சில சச்சரவுகள் இருந்தாலும் திமுக கூட்டணியில் அது வெளிப்படையாகவே தெரிகின்றது. அதாவது காங்கிரஸ் மற்றும் விசிக போன்ற கட்சிகள் அதிக தொகுதிகளையும் ஆட்சியில் பங்கு கேட்டு வலியுறுத்தி வருவதை கண்கூடாகவே பார்க்க முடிகின்றது. அதேசமயம் மதிமுக கட்சி இந்த தேர்தலில் தனிச்சின்னத்தில் தான் போட்டியிடுவோம் என்று வலியுறுத்தி வருகிறது. தேர்தல் நெருங்கும் சமயத்தில் இது திமுக தலைமைக்கு அதிர்ச்சியை ஏற்படுத்தியுள்ளது.

இப்படியான நிலையில் 2026 சட்டமன்ற தேர்தலில் பாஜக மற்றும் அதிமுக அணியை தோற்கடிப்பது தான் தங்களுடைய முதன்மையான பணி என்று பெ. சண்முகம் தெரிவித்துள்ளார். அந்த நோக்கத்தை நிறைவேற்றுவதற்காக திமுக தங்களுக்கு துணை நிற்கிறது என்றும் அவர் பேசியுள்ளார். மேலும் ஆட்சி அதிகாரத்தில் சிபிஎம் எப்போதுமே பங்கு கேட்காத எனவும் அவர் உறுதிப்பட தெரிவித்துள்ளார். சமீபத்தில் இதே நிலைப்பாட்டை திமுக கூட்டணியில் உள்ள திருமாவளவனும் கூறியிருந்தார். அடுத்தடுத்து கூட்டணி கட்சிகள் தனக்கு சாதகமாக பேசி வருவது ஸ்டாலினுக்கு மகிழ்ச்சியை ஏற்படுத்தியுள்ளது.