முதலமைச்சர் விஜய் ஜாதகத்தில் இருக்கும் அந்த ‘ஒரு’ ஆபத்து…. ஜோதிடம் சொல்லும் அதிர்ச்சி உண்மை…!

தமிழக அரசியலில் மாபெரும் திருப்பமாக, தமிழக வெற்றிக் கழகத்தின் தலைவர் விஜய் முதலமைச்சர் அரியணையில் அமர்ந்துள்ளார். கடவுள் நம்பிக்கையும், ஜோதிடக் கலை மீது அசைக்க முடியாத பற்றும் கொண்டவரான இவருக்கு, ஜாதகத்தில் உள்ள ‘நீச்சபங்க ராஜயோகம்’ தான் இந்த உன்னத பதவியைத் தேடித்தந்துள்ளது என்று ஜோதிட வல்லுநர்கள் கணித்துள்ளனர். தவெகவுக்குப் பெரும்பான்மை கிடைக்காததால் இந்த ஆட்சி 5 ஆண்டுகள் நீடிக்காது என்ற விமர்சனங்கள் ஒருபுறம் எழுந்தாலும், விஜய்யின் கிரக நிலைகள் அவருக்கு சாதகமாகவே இருப்பதாகக் கூறப்படுகிறது. கடக ராசி, பூரம் நட்சத்திரம் மற்றும் கன்னி லக்னத்தில் பிறந்த இவருடைய ஜாதகத்தில் 9 கிரகங்களில் 7 கிரகங்கள் யோக ஸ்தானத்தில் வலுவாக அமர்ந்திருப்பது அவரது அரசியல் வருகைக்குப் பெரும் பலமாக அமைந்துள்ளது.

விஜய்யின் ஜாதக அமைப்பின்படி, 10-ஆம் இடமான தொழில் மற்றும் பதவி ஸ்தானத்தில் சூரியனும், சனி பகவானும் இணைந்துள்ளனர். இந்த அமைப்பானது சினிமாவைப் போலவே அரசியலிலும் அவர் பல அசுரத்தனமான தடைகளையும், சவால்களையும் கடந்து சாதனை படைக்க வழிவகுக்கும். மேலும், 9-ஆம் இடமான பாக்கிய ஸ்தானத்தில் சுக்கிரன், புதன் மற்றும் கேது ஆகிய கிரகங்கள் திரிகோண அமைப்பில் இருப்பதால், கல்வி, உணவு மற்றும் சுகாதாரம் ஆகிய துறைகளில் மக்களுக்குப் பயனளிக்கும் மாபெரும் திட்டங்களை அவர் கொண்டு வருவார். திடீர் அதிரடி அறிவிப்புகள் மற்றும் தந்திரமான அரசியல் நகர்வுகள் மூலம், எதிர்க்கட்சிகளையும் அரவணைத்துச் சென்று காரியம் சாதிக்கும் இணக்கமான போக்கை இவர் கடைபிடிப்பார் என்பதற்கு, முதலமைச்சரானவுடன் அவர் பிற கட்சித் தலைவர்களைச் சந்தித்ததே ஒரு சிறந்த சான்றாகும்.

தற்போது சுக்கிர திசையில் முதலமைச்சராகப் பொறுப்பேற்றுள்ள விஜய்க்கு, 5 ஆண்டுகள் முழுமையாக ஆட்சி செய்வதற்கான வாய்ப்புகள் பிரகாசமாகவே உள்ளன. 11-ஆம் இடத்தில் சந்திரனும் செவ்வாயும் இணைந்திருப்பது அவருக்கு மக்கள் ஆதரவைத் தொடர்ந்து தக்கவைக்க உதவும். எனினும், அவருடைய அரசியல் எதிர்காலத்தில் சில முக்கியச் சிக்கல்களும், ஆபத்துகளும் காத்திருக்கின்றன. குறிப்பாக, விரய ஸ்தானத்தில் இருக்கும் குரு பகவான், அடுத்து ஜென்ம குருவாக (ராசிக்குள் நுழையும் காலம்) மாறப் போகிறார். இந்த ஜென்ம குருவின் தாக்கத்தால் ஏற்படும் சவால்களையும், நெருக்கடிகளையும் அவர் மிகக் கவனமாகக் கையாண்டு, தடம் மாறாமல் தாக்குப் பிடிக்க வேண்டும் என்று ஜோதிட ரீதியாக எச்சரிக்கப்படுகிறது.

சுருக்கமாகக் கூறின், ஆரம்பக் கட்டத்தில் சில அரசியல் குழப்பங்களும், கூட்டணிக் கட்சிகளுடனான சவால்களும் ஏற்பட்டாலும், விஜய் தனது சமயோசித புத்தியால் ஆட்சியைத் தொய்வின்றி நடத்துவார். வரவிருக்கும் ஜென்ம குருவின் சோதனைக் காலத்தை அவர் ஆன்மீக பலத்தோடு, தந்திரமாகத் தாண்டிவிட்டால், அடுத்த 10 முதல் 15 ஆண்டுகளுக்குத் தமிழக அரசியலில் விஜய்யின் அரியணைக்கு எந்தவொரு சிக்கலும் இருக்காது. மக்களின் பாராட்டுகளைப் பெற்று, ஒரு மிகச்சிறந்த முதலமைச்சராகத் தனது அரசியல் எதிர்காலத்தை அவர் வலுவாகத் தடம் பதிப்பார் என்பதில் ஐயமில்லை.