“இனி கோயில்களில் இது கிடையாது”…. அதிகாரிகளுக்கு முதலமைச்சர் விஜய் போட்ட அதிரடி உத்தரவு…. தமிழ்நாடு கோயில்களில் வரப்போகும் மிகப்பெரிய மாற்றம்….!

தமிழ்நாட்டிலுள்ள அனைத்துப் பொதுக் கோயில்களிலும் பக்தர்களுக்கான வசதிகளை மேம்படுத்தவும், நிர்வாகச் செயல்பாடுகளைச் சீரமைக்கவும் இந்து சமய அறநிலையத்துறை உயர் அதிகாரிகளுக்கு அதிரடி உத்தரவுகள் பிறப்பிக்கப்பட்டுள்ளன. ஆன்மிகப் பயணம் மேற்கொள்ளும் பக்தர்கள் எவ்வித சிரமத்திற்கும், பாதிப்புகளுக்கும் ஆளாகக் கூடாது என்பதை வலியுறுத்தி, சுகாதாரம், பாதுகாப்பு, வரிசை மேலாண்மை, குடிநீர் வசதி மற்றும் சிறப்புப் பாதைகள் அமைப்பது தொடர்பான அவசர நடவடிக்கைகளை உடனடியாக மேற்கொள்ள அறிவுறுத்தப்பட்டுள்ளது.

தலைமைச் செயலகத்தில் நடைபெற்ற உயர்நிலைக் ஆலோசனைக் கூட்டத்தில், இந்து சமய அறநிலையத்துறையின் தற்போதைய செயல்பாடுகள் மற்றும் கோயில் நிர்வாக முறைகள் குறித்து விரிவான ஆய்வு மேற்கொள்ளப்பட்டது. அரசு முதன்மைச் செயலாளர்கள், துறைத் தலைவர்கள் மற்றும் நிர்வாக அதிகாரிகள் பங்கேற்ற இக்கூட்டத்தில், மாநிலத்தின் புகழ்பெற்ற ஆன்மிகத் தலங்களுக்கு ஆண்டுதோறும் வருகை தரும் லட்சக்கணக்கான பக்தர்களின் கூட்டத்தை நிர்வகிப்பதிலும், தற்போதைய நிர்வாகச் சவால்களைச் சரிசெய்வதிலும் உள்ள வழிமுறைகள் குறித்து விரிவாக விவாதிக்கப்பட்டது.

பக்தர்கள் பாதுகாப்பாகவும் அமைதியாகவும் சாமி தரிசனம் செய்வதை உறுதி செய்வதே அரசின் முதன்மை நோக்கம் எனக் கூட்டத்தில் தெரிவிக்கப்பட்டது. குறிப்பாக, கோயில் வளாகங்கள் மற்றும் அதனைச் சுற்றியுள்ள பகுதிகளில் போதிய எண்ணிக்கையில் நவீன கழிப்பறை வசதிகளை அமைப்பதோடு, அவற்றை எப்போதும் தூய்மையாகப் பராமரிக்க கூடுதல் பணியாளர்களை உடனடியாக நியமிக்க உத்தரவிடப்பட்டுள்ளது. மேலும், கோடைக்காலம் மற்றும் திருவிழா நாட்களில் வரிசையில் காத்திருக்கும் பக்தர்களின் நலனைக் கருத்தில் கொண்டு, சுத்திகரிக்கப்பட்ட குடிநீர் நிலையங்களை தடையின்றி இயங்கும் வகையில் உடனடியாக அமைக்க அறிவுறுத்தப்பட்டுள்ளது.

இச்சீர்திருத்தங்களின் முக்கிய அம்சமாக, முதியவர்கள், மாற்றுத்திறனாளிகள் மற்றும் கைக்குழந்தைகளுடன் வரும் தாய்மார்கள் நீண்ட நேரம் வரிசையில் நிற்பதைத் தவிர்க்க சிறப்பு முன்னுரிமைப் பாதைகள் அமைக்கப்படவுள்ளன. தமிழ்நாட்டின் வரலாற்றுச் சிறப்புமிக்க கோயில்கள் மாநிலத்தின் பாரம்பரியத்திற்கும் சுற்றுலாத்துறைக்கும் முக்கியத் தூண்களாகத் திகழ்வதால், இத்தகைய உள்கட்டமைப்பு மேம்பாடுகள் உள்நாட்டு மற்றும் வெளிநாட்டுப் பயணிகளின் வருகையை அதிகரிக்கும் என எதிர்பார்க்கப்படுகிறது. இந்தப் புதிய வழிகாட்டுதல்களை தாமதமின்றி உடனடியாக நடைமுறைப்படுத்த அதிகாரிகளுக்கு உத்தரவிடப்பட்டுள்ளது.