“ஜாலியாக விளையாடிய குழந்தை…” ஆழ்துளைக் கிணற்றில் விழுந்து பரிதவிப்பு… தீவிரமாக நடைபெறும் மீட்பு பணிகள்… பதற வைக்கும் வீடியோ…!!

ஹரியானா மாநிலம் பரீதாபாத் அருகே உள்ள சீஹி கிராமத்தில், கடந்த ஞாயிற்றுக்கிழமை அன்று 3 வயது சிறுமி ஒருவர் தனது வீட்டின் அருகே விளையாடிக் கொண்டிருந்த போது, எதிர்பாராதவிதமாக அருகில் மூடப்படாமல் திறந்து கிடந்த 80 அடி ஆழமுள்ள ஆழ்துளைக் கிணற்றில் தவறி விழுந்துள்ளார். இச்சம்பவம் குறித்துத் தகவலறிந்ததும் அப்பகுதி மக்கள் அதிர்ச்சியடைந்து, உடனடியாக அதிகாரிகளுக்கும் காவல் துறைக்கும் தகவல் தெரிவித்தனர்.

சம்பவ இடத்திற்கு விரைந்து வந்த காவல் துறையினர் மற்றும் மீட்புக் குழுவினர், சிறுமியை ஆழ்துளைக் கிணற்றில் இருந்து பாதுகாப்பாக மீட்க தீவிர மீட்பு நடவடிக்கைகளை முடுக்கிவிட்டுள்ளனர். ஆக்ஸிஜன் குழாய்கள் மூலம் சிறுமிக்குச் சுவாச வசதி செய்யப்பட்டு, ராணுவத்தின் உதவியுடன் மீட்புப் பணிகள் போர்க்கால அடிப்படையில் நடைபெற்று வருகின்றன. இச்சம்பவம் அப்பகுதியில் பெரும் சோகத்தையும் பதற்றத்தையும் ஏற்படுத்தியுள்ளது.

அதேவேளையில், இந்தியாவில் இதுபோன்ற மூடப்படாத ஆழ்துளைக் கிணற்று விபத்துகள் தொடர்கதையாகி வருவது குறித்துப் பொதுமக்கள் மற்றும் சமூக வலைதளவாசிகள் மிகுந்த ஆத்திரமும் அதிருப்தியும் தெரிவித்து வருகின்றனர். திறந்தவெளிக் கிணறுகளை மூடாமல் அலட்சியமாகச் செயல்படும் நிலத்தின் உரிமையாளர்கள் மற்றும் உள்ளாட்சி நிர்வாகத்தினர் மீது கடுமையான நடவடிக்கை எடுக்க வேண்டும் என்றும், மீட்புச் செலவுகளை அவர்களிடம் இருந்தே வசூலிக்க வேண்டும் என்றும் இணையத்தில் கோரிக்கைகள் வலுத்து வருகின்றன.