“கடைசியா அக்கா பொண்ணு விசேஷத்துக்கு… அவர் இல்லாம நாங்க..” விஜயகாந்த் மறைவு குறித்து சகோதரர் உருக்கம்…

தமிழ் சினிமாவின் ஆக்சன் ஹீரோவாக வலம் வந்து ரசிகர்கள் மனதில் நீங்காத இடத்தை பிடித்தவர் நடிகர் விஜயகாந்த். இவர் திரையுலகில் நிகழ்த்திய சாதனைகள் ஏராளம். 1989-ல் ஈரோட்டில் இலவச மருத்துவமனை, சென்னை சாலிகிராமத்தில் இலவச மருத்துவமனைகளைக் கட்டினார். தனக்கு நெருக்கமானவர்கள், ரசிகர்கள் மட்டுமின்றி, முன்பின் தெரியாத ஏராளமானோருக்கும் உதவிகளைச் செய்தவர்.

விஜயகாந்தின் தந்தை அழகர்சாமிக்கு, ஆண்டாள், ருக்மணி என இரு தாரங்கள். அவர்களில் ஆண்டாள் அம்மாளின் மகன் தான் விஜயகாந்த். விஜயகாந்த்துடன் பிறந்தவர்கள் விஜயலட்சுமி, நாகராஜன், திருமலாதேவி ஆகியோர். ருக்மணி அம்மாளுக்கு பிறந்தவர்கள், செல்வராஜ், பால்ராஜ், சித்ராதேவி, ராம்ராஜ், மீனாகுமாரி, சாந்தி, பிருத்விராஜ் என 7 பேர்.

சினிமாவில் சாதித்து பணம் சம்பாதித்த பிறகு, தனது மாற்றாந்தாய் பிள்ளைகளுக்கும் விஜயகாந்த் முன் நின்று பல உதவிகளையும் செய்துள்ளார். தனது அனைத்து சகோதர, சகோதரிகளின் திருமணத்தையும் நல்ல முறையில் நடத்தி வைத்தார். தனது இளைய சகோதரர்கள் திருமணத்தையும் நடத்தி வைத்தார் விஜயகாந்த்.

தனது எல்லாத் தம்பிகளுக்கும், தங்கைகளுக்கும் திருமணம் செய்து கடமையை முடித்தபோது விஜயகாந்துக்கு 37 வயதாகிவிட்டது. அதற்குப் பிறகுதான் பிரேமலதாவைக் கைபிடித்தார். வேலூர் மாவட்டத்தைச் சேர்ந்த பி.ஏ பட்டதாரியான பிரேமலதா, விஜயகாந்த்தின் தீவிர ரசிகை. பிரேமலதா- விஜயகாந்த் தம்பதிக்கு 2 மகன்கள் உள்ளனர்.

பலவருடங்களாக உடல்நலக்குறைவால் சிகிச்சை பெற்று வந்த நடிகர் விஜயகாந்த் இன்று காலமானார். இதைத்தொடர்ந்து அவரது குடும்பத்தினரும், ரசிகர்களும், தொண்டர்களும் என என மொத்த தமிழகமே சோகத்தில் . இந்நிலையில் அவரது சொந்த ஊரில் இருக்கும் நடிகர் விஜயகாந்தின் சகோதரர் ‘ எல்லாருக்கும் உதவி செய்வாரு. ஆனா அரசியலுக்கு வந்ததுக்கு அப்புறமா சரியா மதுரைக்கு வரல. கூட்டம் கூடிடும் அப்புடின்னு லாட்ஜுக்கு வர சொல்லி எங்கள விசாரிப்பாரு. அப்பா தெவசத்துக்கு கூட அண்ணன் வந்தாரு” என்று கலங்கிய கண்களுடன் பேட்டியளித்துள்ளார். இதோ அந்த வீடியோ…

“அப்பா தெவசத்துக்கு கூட வந்துட்டு போனாரு..”