உன்னை வளர்த்துவிட்ட என்கிட்டயே உன் வேலையை காட்றியா? – தனுஷ், சிவகார்த்திகேயன் மோதலுக்கு இதுதான் காரணமா?

நடிகர் சிவகார்த்திகேயன், துவக்கத்தில் விஜய் டிவியில் அது இது எது என்ற காமெடி நிகழ்ச்சியை நடத்திக்கொண்டு இருந்தார். அதன்பிறகு இயக்குநர் பாண்டிராஜ் இயக்கத்தில் மெரினா படம் மூலம் தமிழ் சினிமாவுக்குள் வந்தார். மனம் கொத்தி பறவை, வருத்தப்படாத வாலிபர் சங்கம், ரஜினி முருகன், கேடி பில்லா கில்லாடி ரங்கா போன்ற சில படங்களால், மளமள என முன்னுக்கு வந்தார்.

எஸ்கே புரடக்சன்ஸ் என்ற சொந்த தயாரிப்பிலும், தனது நெருங்கிய நண்பர்கள் மூலம் பினாமி பெயரிலும் படங்களை தயாரித்தார். இதில் ரூ. 25 கோடி வரை இப்போது சிவகார்த்திகேயன் கடனாளியாக இருக்கிறார். இதற்கிடையே, இசையமைப்பாளர் இமான் அளித்த நேர்காணல் ஒன்றில் சிவகார்த்திகேயன், ஒரு நம்பிக்கை துரோகி என்று கூறியது இன்னும் பரபரப்பை, சர்ச்சையை ஏற்படுத்தியது.

இப்போது வரும் பொங்கலுக்கு அயலான் படம் ரிலீஸ் ஆவதாக கூறப்பட்டுள்ளது. ஆனால், ரூ. 25 கோடி கடன்களை திருப்பி தந்தால்தான், இந்த படத்தை ரிலீஸ் செய்ய முடியும் என்ற நெருக்கடியில் சிவகார்த்திகேயன் இருக்கிறார். அதேவேளையில், தனுஷ் நடித்த கேப்டன் மில்லர் படம், வரும் பொங்கலுக்கு ரிலீஸ் ஆவது உறுதியாகி உள்ளது. அயலான் படத்தின் வசூலை சிக்கலாக்கவே, தனுஷ் கொடுத்த பிரஷ்ஷரால், இன்னும் சில மாதங்கள் கழித்து ரிலீஸ் ஆக வேண்டிய கேப்டன் மில்லர் படத்தை, பொங்கலுக்கு ரிலீஸ் செய்வதாக அந்த படத்தை தயாரித்த சத்யஜோதி பிலிம்ஸ் அறிவித்துள்ளதாகவும் கூறப்படுகிறது.

சிவகார்த்திகேயனின் ஆரம்ப கால வளர்ச்சிக்கு, தனுஷ் துணை நின்று நிறைய உதவிகள் செய்தார். எதிர்நீச்சல் படத்தில் தனுஷ்- நயன்தாரா சிறப்பு பாடல் காட்சி இடம்பெற்றது. 3 படத்தில், தன்னுடன் சக பள்ளி மாணவனாக, சிவகார்த்திகேயனை நடிக்க வைத்தார். ஆனால் நடிகரான பின்பு தனுஷின் ஆடியன்ஸ்சை முழுக்க தன்பக்கம் திருப்பி விட்டார் சிவகார்த்திகேயன்.

குடும்பம், குழந்தைகள் என பலரும் சிவகார்த்திகேயன் பக்கம் போனதால், மனம் வெறுத்த தனுஷ், அன்று முதல் சிவகார்த்திகேயனை தன் தொழில் ரீதியான எதிரியாக பார்க்க துவங்கினார். அதன் விளைவாக இப்போது, வரும் பொங்கலுக்கு அயலானுக்க ஆப்பு வைக்க, தனுஷ் தனது கேப்டன் மில்லரை களத்தில் இறக்குகிறார். இதில் யார் பக்கம் ரசிகர்கள் இருக்க போகிறார்கள் என்பதை அந்த படங்களின் வெற்றி முடிவு செய்யும்.