வன்கொடுமையின் உச்சம்..! பசுவின் வாயில் மதுவை ஊற்றி குடிகார கும்பல் செய்த கொடூரம்… வைரலாகும் அதிர்ச்சி வீடியோ.. “இவர்களை தப்பவிடக் கூடாது” என மக்கள் கொந்தளிப்பு..!!

நாடு முழுவதும் ஹோலி பண்டிகை உற்சாகமாகக் கொண்டாடப்பட்டு வரும் வேளையில், ஹரியானாவில் பசு மாட்டிற்கு மதுபானம் புகட்டியதாகக் கூறப்படும் சம்பவம் பெரும் அதிர்ச்சியை ஏற்படுத்தியுள்ளது. மது போதையில் இருந்த ஒரு கும்பல், மாட்டு வண்டியில் அமர்ந்து கொண்டு பசுவை வலுக்கட்டாயமாக இழுக்க வைத்துள்ளனர். இது தொடர்பான வீடியோ சமூக வலைதளங்களில் வெளியாகி மக்கள் மத்தியில் கடும் கொந்தளிப்பை ஏற்படுத்தியுள்ளது.

வெளியாகியுள்ள அந்த வீடியோவில், வண்டியில் அமர்ந்திருக்கும் ஆண்கள் குழுவை ஒரு பசு இழுத்துச் செல்வதைக் காண முடிகிறது. அப்போது அங்கிருந்த இருவர் அந்த வாயில்லா ஜீவனின் வாயை வலுக்கட்டாயமாகத் திறந்து மதுவை ஊற்றியுள்ளனர். மற்றவர்கள் இதனைத் தடுக்காமல் வேடிக்கை பார்த்துக் கொண்டிருந்தது பார்ப்போரை வேதனை அடையச் செய்துள்ளது. ‘StreetdogsofBombay’ என்ற இன்ஸ்டாகிராம் பக்கத்தில் பகிரப்பட்ட இந்தக் காணொளி, பதிவேற்றப்பட்ட ஒரு மணி நேரத்திலேயே 36,000-க்கும் மேற்பட்ட பார்வைகளைப் பெற்று வைரலாகியுள்ளது.

இந்தக் கொடூரமான செயலில் ஈடுபட்டவர்கள் மீது விலங்கு வன்கொடுமைத் தடுப்புச் சட்டத்தின் கீழ் கடும் நடவடிக்கை எடுக்க வேண்டும் என இணையவாசிகள் வலியுறுத்தி வருகின்றனர். சமூக வலைதளங்களில் பலரும் தங்களின் கண்டனங்களைப் பதிவு செய்து வருவதால், இது குறித்து ஹரியானா காவல்துறையினர் விசாரணை நடத்தி வருகின்றனர். பண்டிகைக் காலங்களில் இது போன்ற விலங்கு வன்கொடுமைச் சம்பவங்கள் தொடர்ந்து நடைபெறுவது வேதனையான ஒன்று என சமூக ஆர்வலர்கள் கருத்துத் தெரிவித்துள்ளனர்.