மூத்தவர்களுக்கு முன்பே திருமணம் செய்துகொண்ட சினிமா பிரபலங்களின் சகோதரர்கள்… யாரெல்லாம் தெரியுமா..?

தமிழ் சினிமாவில் மூத்தவர்களுக்கு முன்பே இளையவர்கள் திருமணம் செய்து கொண்ட  பிரபலங்கள் குறித்து இந்த தொகுப்பில் பார்க்கலாம்.

90களில் கொடி கட்டி பறந்த நடிகர் முரளியின் மகன்தான் அதர்வா. இவர் தற்போது தமிழ் சினிமாவில் வளர்ந்து வரும் இளம் நடிகர்களில் ஒருவராக உள்ளார். இவருக்கு பெண்கள் மத்தியில் தனி ஒரு ரசிகர்கள் கூட்டம் உள்ளது. இவர் நடிப்பில் வெளியான பரதேசி மற்றும் ஈட்டி உள்ளிட்ட பல திரைப்படங்கள் ரசிகர்கள் மத்தியில் நல்ல வரவேற்பை பெற்றன. மேலும் தொடர்ந்து பல படங்களில் நடித்து வருகிறார். இவருடைய தம்பி ஆகாஷக்கும் விஜய் 64 படத்தைத் தயாரிக்கும் சேவியர் பிரிட்டோவின் ஒரே மகளான சினேகாவுக்கும்  திருமணம் முடிந்துவிட்டது. ஆனால் இவர் இன்னும் திருமணம் செய்துகொள்ளவில்லை.

சாய் பல்லவி பிரேமம் படத்தில் மலர் டீச்சராக நடித்து மக்கள் மனதில் இடம் பிடித்தார். அந்த படம் மாபெரும் அளவில் வெற்றி பெற்றது. சாய் பல்லவி சூர்யா, தனுஷ் உள்ளிட்ட முன்னணி நடிகர்களுடன் இணைந்து நடித்துள்ளார்.  தற்போது அமரன் படத்தில் நடித்து முடித்துள்ளார். சாய் பல்லவிக்கு பூஜா கண்ணன் என்ற தங்கை உள்ளார். இவரும் நடிகை ஆவார். பூஜா கண்ணன் சித்திரை செவ்வானம் என்ற படத்தின் மூலம் தமிழ் சினிமாவில் அறிமுகமானார். இவர் தனது காதலர் வினீத் என்பவரை திருமணம் செய்து கொண்டார். ஆனால் சாய் பல்லவி இன்னும் திருமணம் செய்துகொள்ளவில்லை.

தமிழ் சினிமாவின் முன்னணி நடிகராக பலம் வருபவர் நடிகர் ஆர்யா. இவரின் நடிப்பில்  வெளியான காதர் பாட்ஷா என்ற திரைப்படம் ரசிகர்கள் மத்தியில் நல்ல வரவேற்பை பெற்றது. அடுத்தடுத்து சர்பட்டா பரம்பரை 2, பாஸ் என்கிற பாஸ்கரன் 2 உள்ளிட்ட திரைப்படங்களில் நடித்து முடித்துள்ளார். இவர் கடந்த 2019 ஆம் ஆண்டு நடிகை சாய்ஷாவை காதலித்து திருமணம் செய்து கொண்டார். ஆனால் இவருக்கு முன்பாகவே இவருடைய தம்பி  நடிகர் சத்யாவிற்கு கடந்த சில ஆண்டுகளுக்கு பாவனா என்பவருடன் திருமணம் நடந்தது.

தமிழ் சினிமாவில் முன்னணி நடிகர்களில் ஒருவர் சிம்பு. இவர் பிரபல இயக்குனர், தயாரிப்பாளர் டி.ராஜேந்திரன் மகன். தன்னுடைய தந்தை போல பல திறமைகளை கொண்டவர் .தற்போது இயக்குனர் மணிரத்தினம் இயக்கத்தில் கமலஹாசன் படத்தில் முக்கிய கதாபாத்திரத்தில் இணைந்துள்ளார். தன்னுடைய 48வது படத்தை தேசிங்கு பெரியசாமி இயக்கத்தில் நடிக்க இருக்கிறார்.  இதற்கிடையில் நடிகர் சிம்பு நீண்ட காலமாக திருமணம் செய்து கொள்ளாமல் இருக்கும் நிலையில், அவரது தம்பி குறளரசன், சிம்புவுக்கு முன்பாக திருமணம் செய்து கொண்டார்.