இன்னும் ஒரே மாதத்தில்… தேதி குறித்த செங்கோட்டையன்… அடுத்த பரபரப்பு…!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதே சமயம் கூட்டணி குறித்த பேச்சுவார்த்தையும் மும்முரமாக நடந்து கொண்டிருக்கிறது. இதனிடையே அதிமுக பாஜகவுடன் கூட்டணி வைத்துள்ளதால் இபிஎஸ் மீது அதிருப்தியில் இருக்கும் கட்சி நிர்வாகிகள் பலரும் அடுத்தடுத்து விலகி வருகின்றன. அதேசமயம் சமீபத்தில் செங்கோட்டையன் அதிமுகவை மீண்டும் ஒன்று இணைக்க வேண்டும் என்று கூறி இபிஎஸ்-க்கு 10 நாட்கள் கெடு விதித்திருந்த நிலையில் அவரை கட்சியிலிருந்து ஒட்டுமொத்தமாக நீக்கி இபிஎஸ் உத்தரவிட்டார்.

இதனை தொடர்ந்து செங்கோட்டையன் டெல்லி சென்று அமித்சாவை நேரில் சந்தித்து பேசியதாக கூறி இருந்தார். அதேசமயம் செங்கோட்டையனின் அடுத்த கட்ட நகர்வு என்பது அரசியலில் உன்னிப்பாக கவனிக்கப்பட்டு வருகிறது. இந்நிலையில் செய்தியாளர்களை சந்தித்து பேசிய செங்கோட்டையன், என்னை பொருத்தவரை இயக்கம் ஒன்றாக இருக்க வேண்டும். எல்லோரும் ஒன்றிணைய வேண்டும். ஜெயலலிதாவின் ஆட்சி தமிழகத்தில் மலர வேண்டும் என்பது என்னுடைய முழு ஆசை. அதற்கு காலம் தான் பதில் சொல்லும். பிரிந்து சென்றவர்கள் அனைவரும் அதிமுகவில் இன்னும் ஒரு மாதத்தில் இணைவார்கள் என்று செங்கோட்டையன் தெரிவித்துள்ள நிலையில் அவருடைய இந்த பதில் புதிய பரபரப்பை கிளப்பியுள்ளது.