“தூங்கி எழுந்ததும் நீலநிறமாக மாறிய உடல்” அதிர்ச்சியில் டாக்டர்களுக்கே வந்த சந்தேகம்… கடைசியில் காத்திருந்த பயங்கர டுவிஸ்ட்…!!

பாரா குவேயைச் சேர்ந்த நபர் ஒருவர் தனது உடலில் ஆக்சிஜன் அளவு குறைந்து உடல் நீல நிறமாக மாறிவிட்டதாகக் கருதி அச்சமடைந்து மருத்துவமனைக்குச் சென்றார். அவரைப் பரிசோதித்த மருத்துவர்கள், அவர் உடலில் ஆக்சிஜன் அளவு குறைந்திருக்கலாம் எனச் சந்தேகித்து அவருக்கு உடனடியாகச் செயற்கைச் சுவாசக் கருவிகளைப் பொருத்தினர்.

இருப்பினும், மருத்துவர் ஒருவர் அந்த நபரின் கையை ஆல்கஹால் கலந்த துணியால் துடைத்துப் பார்த்தபோது, அந்தத் துணி நீல நிறமாக மாறியதைக் கண்டார். அப்போதுதான் அந்த நீல நிறம் உடல்நலக் குறைவால் ஏற்படவில்லை என்பதும், அது வெறும் துணியின் சாயம் என்பதும் தெரியவந்தது. மெத்தை விரிப்பில் இருந்த சாயம் அந்த நபரின் உடல் முழுவதும் ஒட்டிக் கொண்டதை உணர்ந்த மருத்துவர்களும் ஊழியர்களும் சிரிப்பைக் கட்டுப்படுத்த முடியாமல் போயினர்.

வீட்டிற்குச் சென்ற பிறகும் அந்த நீல நிறம் மறைய ஒரு வாரம் ஆனதாக அந்த நபர் தெரிவித்தார். புதிய துணிகளைப் பயன்படுத்துவதற்கு முன்பு அவற்றைத் துவைக்க வேண்டியதன் அவசியத்தை இந்தச் சம்பவம் உணர்த்தியுள்ளதாக அவர் நகைச்சுவையுடன் கூறினார். இந்த வினோதமான சம்பவம் தற்போது சமூக வலைதளங்களில் வைரலாகி வருகிறது.