இன்னும் 177 நாட்கள் தான்… திமுகவுக்கு முகூர்த்த தேதி குறிச்சாச்சு…. பரபரப்பை கிளப்பிவிட்ட நயினார் நாகேந்திரன்…!

தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே இருப்பதால் தற்போது தேர்தல் களம் சூடு பிடிக்க தொடங்கிவிட்டது. அதிமுக மற்றும் திமுக இடையே தான் போட்டி என்ற நிலை இருந்த நிலையில் தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. இருந்தாலும் விஜய்யை தங்கள் கூட்டணியில் இணைப்பதற்கு பாஜக மற்றும் அதிமுக முயற்சி செய்து வருவதாகவும் கூறப்படுகிறது.

ஆனால் விஜய் பாஜக மற்றும் திமுகவை தங்கள் எதிரி என்று கூறிக் கொண்டிருக்க அது எப்படி சாத்தியமாகும் என்பதும் ஒரு பக்கம் கேள்விக்குறியாக தான் உள்ளது. இருந்தாலும் சமீபத்தில் கரூரில் நடைபெற்ற விவகாரத்தை தங்களுக்கு சாதகமாக பயன்படுத்திக்கொண்டு பாஜக விஜயை தங்கள் பக்கம் இழுப்பதற்கான முயற்சிகளை எடுத்து வருவதாக தெரிகிறது.  இதற்கெல்லாம் முக்கிய காரணம் அதிமுக மற்றும் விஜயை தங்கள் பக்கம் வைத்துக் கொண்டால் திமுக ஆட்சியை எளிதில் வீழ்த்தி விடலாம் என பாஜக கணக்கு போடுகிறது.

இந்நிலையில் திமுக ஆட்சிக்கு முடிவு கட்ட முகூர்த்த நாள் குறிக்கப்பட்டதாக பாஜக மாநில தலைவர் நயினார் நாகேந்திரன் சூளுரைத்துள்ளார். திமுக ஆட்சியின் முடிவுக்கு இபிஎஸ் முன்னுரை எழுத பாஜக முடிவுரை எழுதும் என்றும் சபதம் ஏற்றார். திமுக ஆட்சிக்கு முடிவு எழுத 177 நாட்கள் உள்ளதாக குறிப்பிட்ட அவர், திமுகவினர் தமிழை விற்று பிழைத்தவர்கள் என்றும் காட்டமாக விமர்சித்தார். மேலும் பாஜக மற்றும் அதிமுக கூட்டணி இயற்கையான கூட்டணி என்றும் தெரிவித்துள்ளார்.