SURYA 44: வாடிவாசல் படத்திற்கு முன் சூர்யா போட்ட மாஸ்டர் பிளான்.. சிவகார்த்திகேயன் இயக்குனருடன் சேர்ந்த கூட்டணி..

சிறுத்த சிவா இயக்கத்தில் சூர்யா நடித்துள்ள கங்குவா திரைப்படம் இந்தாண்டு வெளியாகும் என எதிர்பார்க்கப்படுகிறது. ஸ்டுடியோ க்ரீன் தயாரிப்பில் சிறுத்தை சிவா இயக்கியுள்ள இந்தப் படம் பிரம்மாண்டமாக உருவாகியுள்ளது. பீரியட் ஜானரில் 3டி டெக்னாலஜியில் தயாராகியுள்ள கங்குவா 10க்கும் மேற்பட்ட மொழிகளில் ரிலீஸாகவுள்ளது குறிப்பிடத்தக்கது. இதனால் கங்குவா படத்துக்கு அதிக எதிர்பார்ப்பு காணப்படுகிறது.

இதனைத் தொடர்ந்து வெற்றிமாறனின் வாடிவாசல் படத்தில் நடிக்கவிருந்தார் சூர்யா. ஆனால், வெற்றிமாறன் இன்னும் விடுதலை 2ம் பாகத்தின் படப்பிடிப்பை முடிக்கவில்லை. விடுதலை 2 முடிந்த பின்னர் வாடிவாசல் படப்பிடிப்பு குறித்து முடிவெடுக்கவுள்ளாராம். அதுமட்டும் இல்லாமல் வாடிவாசலில் அமீர் நடிக்கவிருப்பதால் சூர்யா அதிலிருந்து விலகிவிட்டதாக சொல்லப்பட்டது.

ஆனால், அது உண்மை இல்லை என்றும் வெற்றிமாறன் – சூர்யா கூட்டணியில் தான் வாடிவாசல் உருவாகும் எனவும் உறுதியான தகவல்கள் தெரிவிக்கின்றன. இதனால் தான் தனது 43வது படத்தை முடித்துவிடலாம் என சூர்யா பிளான் செய்திருந்தார். அதன்படி சுதா கொங்கரா இயக்கத்தில் நடித்து வரும் சூர்யா, மேலும் ஒரு புதிய படத்தில் கமிட்டாகியுள்ளார். இதுவும் வாடிவாசலுக்கு முன்பே முடிந்துவிடும் என சொல்லப்படுகிறது.

சிவகார்த்திகேயனை வைத்து இயக்கிய அயலான் பட இயக்குனர் இன்று நேற்று நாளை மூலம் கவனம் ஈர்த்த ரவிக்குமார், சூர்யாவின் 44வது படத்தை இயக்கவுள்ளாராம். ஏற்கனவே சூர்யாவுக்கு ஒரு சயின்ஸ் பிக்‌ஷன் கதையை சொல்லி சம்மதம் வாங்கி வைத்திருந்தார் ரவிக்குமார். இப்போது சூர்யா 43 ஷூட்டிங் தினமும் நடைபெற்று வருவதால், விரைவில் மொத்த படப்பிடிப்பும் முடிவுக்கு வருகிறதாம். அதோடு வாடிவாசல் தொடங்கவும் கொஞ்சம் தாமதமாகும் எனத் தெரிகிறது.