விநாயகர் சதுர்த்தி ஊர்வலத்தில் சோகம்…! டான்ஸ் ஆடிய பி.டெக் மாணவர் சுருண்டு விழுந்து பலி… அதிக சத்தத்துடன் ஒலித்த டிஜே இசை…? கதறும் குடும்பத்தினர்…!!

ஆந்திர மாநிலம் கடப்பா மாவட்டத்தைச் சேர்ந்த பத்ரிநாத் (19) என்ற மாணவர், ஹைதராபாத் அபிட்ஸ் பகுதியில் உள்ள மெத்தோடிஸ்ட் கல்லூரியில் பி.டெக் படித்து வந்தார். இந்நிலையில், ஹைதராபாத் ராம்நகர் சௌராஸ்திரா பகுதியில் நடைபெற்ற விநாயகர் சிலை வரவேற்புக் கொண்டாட்டத்தின் போது, பத்ரிநாத் தனது நண்பர்களுடன் சேர்ந்து உற்சாகமாக நடனமாடிக் கொண்டிருந்தார். அப்போது எதிர்பாராதவிதமாக அவர் திடீரென மயங்கித் தரையில் சுருண்டு விழுந்தார்.

இதைப் பார்த்த காவல்துறையினரும் நண்பர்களும் உடனடியாக அவரை மீட்டு காந்தி மருத்துவமனைக்குக் கொண்டு சென்றனர். ஆனால், அவரைப் பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக உறுதிப்படுத்தினர். பண்டிகைக் கொண்டாட்டத்தில் டிஜே இசைக்கு நடனமாடியபோது இளைஞர் உயிரிழந்த இச்சம்பவம் அப்பகுதியில் பெரும் சோகத்தையும் விவாதத்தையும் ஏற்படுத்தியுள்ளது.